Balsa
Balsa refere a arbores de la jenera Ochroma, de la plantas florinte en la familia Malvasea. La jenera conteni sola la spesie Ochroma pyramidale, conoseda comun como la arbor balsa. Lo es un arbor grande e rapida cresente cual pote crese asta 30 m. La lenio de la balsa es un materia multe lejera con multe usas. La arbor es nativa a Brasil sude e Bolivia norde, e norde a Mexico sude, ma oji pote es trovada en multe otra paises. La nom es derivada de la parola espaniol (e lfn) per balsa, la barco simple construida de un colie de troncos liada con lunlotra.
La lenio es multe mol e lejera, con un pelo ru e abrida. En la arbor vivente, la lenio ave selulas grande cual es plenida con acua. Esta dona a la lenio un trama sponjin e capas (apena) de flota. La siensiste e aventuror Thor Heyerdahl, convinseda ce contata temprana entre la popla de America Sude e Polinesia ia es posible, ia construi la balsa Kon Tiki de troncas de balsa, sur cual el e sua ecipo ia naviga la Mar Pasifica a la arcipelago polinesian Tuamotu en 1947.