Thor Heyerdahl

De Vicipedia
Jump to navigation Jump to search
Un foto de Thor Heyerdahl

Thor Heyerdahl (pronunsiada en lfn como Tor Heiardal; 6 otobre 1914 a 18 april 2002) ia es un aventuror e etnografiste norsce con un fondo en zolojia, botania, e jeografia.

El ia deveni notable per sua mision siensal de la Kon-Tiki en 1947, en cual el ia naviga con sua ecipos per 8000 km tra la Mar Pasifica de America Sude a la Isolas Tuamotu en polinesia. La Kon-Tiki ia es un balsa construida de troncos de balsa liada con lunlotra, en un modo usada par un popla en la Andes. La mision ia es desiniada per demostra ce la popla antica ia pote viaja sur la mar per distantias longa, creante contatas entre cultures separada. Esta ia es liada a la model difusal de developa cultural. Heyerdahl ia fa otra viajas desiniada per demostra la posiblia de contata entre popla antica larga separada, notable la mision Ra 2 de 1970, cuando el ia naviga de la costa ueste de Africa a la Barbados en un barcon de cana de papiro. El ia es onorada como un siensiste de la governa norsce en 1984.

En maio 2011, la Arcivos de Thor Heyerdahl ia es ajuntada a la lista de UNESCO nomida "la memoria de la mundo". A acel tempo, esta lista ia inclui 238 colies de tota mundo. La Arcivos de Heyerdahl ia estende de la anios 1937 a 2002, e inclui sua colie de fotos, jornales, leteras privata, desinias per misiones, articles, jornales dial, libros orijinal, e manoscritos. La Arcivos es manejada par la Museo de Kon-Tiki e la Biblioteca Nasional de Noria en Oslo.