Asurdisme

De Vicipedia
Jump to navigation Jump to search
Sisifo, la simbol de la asurdia de esiste, par Franz Stuck (1920)

En filosofia, "la asurda" refere a la nonacorda entre la tende umana per xerca per valua e sinifia inerente en vive, e la noncapasia umana per trova alga en un universo sin intende, sinifia, ordina, e razona. La universo e la mente umana no causa seperada la asurda, ma la asurda aveni par la natur contradisente de la du esistente simultan.

Como un filosofia, asurdisme esplora plu la natur fundal de la asurda e como individuas, pos deveni consensosa de la asurda, debe responde a lo. La filosofiste asurdiste Albert Camus ia dise ce individuas debe abrasa la state asurda de esiste umana en cuando ance continua defiante per esplora e xerca per sinifia.

Asurdisme comparti alga consetas, e un model teorial comun, con esistentialisme e nihilisme. Lo ave sua orijinas en la obras de la filosofiste dansce de la sentenio 19 Soren Kierkegaard, ci ia eleje fasa la crise ce umanas fasa con la asurda par developa sua propre filosofia de esiste. Asurdisme como un sistem de crede ia es naseda de la promove esistentaliste european cual segue, spesial cuando Camus ia rejeta alga aspetas de acel filosofia e ia publica sua esaia La mito de Sisifo. La resultas de la Gera Mundal 2ia furni la ambiente sosial cual ia stimula vistas asurdiste e permeteda sua developa popular, spesial en la pais ruinada de Frans.