Aristofane

De Vicipedia
Aristofane

Informa personal

Nase: 446 aec en Atina
Mori: 386 aec en Delfi
Pais: Elas antica

Otra informas

Profesa: Autor teatral (comedia)

Aristofane (elinica Ἀριστοφάνης, sirca 446 a sirca 386 aec) ia es un autor teatral de comedias de Atina antica. Des-un de sua cuatro-des teatrales survive completa. Esta, juntada a fratos de alga otra teatrales, furni esemplos unica real de la comedia conoseda como "Comedia Vea" e es usada per defini lo.

Conoseda como "la padre de comedia" e "la prinse de comedia antica", Aristofane ia recrea la vive dial de Atina antica plu bon ca cualce otra autor. Sua potias de burla ia es temeda e atestada par contemporares influosa. Platon ia sujeste ce "La nubes" ia es malacusa cual ia contribui a la litiga cual resulta en la condena de Socrate a sua mori, an si otra burlores teatral ia maldescrive ance la filosofiste.

La presenta du de Aristofane - "La babilonianes" (aora perdida) - ia es denunsiada par la demogogo Cleon como un malacusa contra la site de Atina. Posible, la caso ia es debatada en corte, ma la detalias de la litiga no es arcivada e Aristofane ia maldescrive Cleon sin compati en sua presentas seguente, spesial "La cavalores", la prima de multe presentas cual el ia dirije se mesma. "En mea opina", el dise par la coro, "la autor-dirijor de comedias ave la labora la plu difisil de tota".

La obras de Aristofane completa[edita | edita la fonte]

  • La Acarnianes (Acharnenses, Ἀχαρνεῖς, 425 aec)
  • La cavalores (Equites, Ἱππεῖς, 424 aec)
  • La nubes (Nubes, Νεφέλαι
  • La vespas (Vespae, Σφῆκες, 422 aec)
  • Pas (Pax, Εἰρήνη, 421 aec)
  • La aves (Aves, Ὄρνιθες, 414 aec)
  • Lisistrata (Lysistrata, Λυσιστράτη, 411 aec)
  • La femes ci selebra la tesmoforia (Thesmophoriazusae, Θεσμοφοριάζουσαι 411 aec)
  • La ranas (Ranae, Βάτραχοι, 404 vel 403 aec)
  • La asembla de la femes (Ecclesiazusae, Ἐκκλησιάζουσαι, inter 393 et 391 aec), en cual la parola la plu longa es incluida: Lopado­temakho­selakho­galeo­kranio­leipsano­drim­hypo­trimmato­silphio­karabo­melito­katakekhy­meno­kikhl­epi­kossypho­phatto­perister­alektryon­opto­kephallio­kigklo­peleio­lagōio­siraio­baphē­tragano­pterýgōn
  • Ricia (Plutus, Πλοῦτος, 388 aec)