Socrate
Socrate (Σωκράτης, 470–399 aec) ia es un filosofiste elinica, e un de filosofistes la plu bon conoseda en la mundo. El ia es la filosofiste prima de Atina. La nom de sua sposa ia es Xantipe e los ia ave tre enfantes. Sua istorias apare en la libros de Platon, ma Socrate mesma no ia scrive sur sua filosofia.
El es un figur xef de la cambia de la filosofia elinica en un projeta continua e unida. El es considerada la padre e la filosofia politica, de la etica e es la fonte xef de tota la temas importante de la filosofia ueste en jeneral; cisa sua contribui la plu importante a la pensa ueste es sua modo dialetica de demanda, conoseda como metodo socratiste, cual ia aplica per la esamina de consetas moral xef, como la ben e la justia. La istoriografia tradisional divide la colie de pensas anterior a Socrates (e Democrito) como "presocratiste" e a aceles influeda par Socrate en "socratistes maior" (Platon e Aristotele) e "socratistes minor" (megarica, sinica e sineraica).