Anwar al-Sadat

De Vicipedia
Sadat en 1978

Muhammad Anwar Al-Sadat ia es la presidente tre de Misre, de 1970 asta 1981, cuando el ia es asasinada. Sadat ia nase a 25 de desembre 1918 en vileta de Mit Abu Al Cum, en la estuario de la Rio Nil.

Sua familia ia es povre. Sua padre ia es misri (egiptan) e sua madre ia veni de Sudan. El ia junta se a la armada en 1938, do el ia encontra Gamal Abdel Naser.

El ia fundi, con alga otra ofisiores, la Move de Ofisiores Libre. Esta junta vole luta contra la brites e sua rena en Misre. En 1952 Sadat comparti en un colpa de stato en 1952, cual descoroni la re Faruc. Alora, Naser deveni presidente, e Sadat es la vispresidente de 1964 asta 1966 e de nova de 1969 asta 1970, la anio en cual Naser mori de un ataca de cor. Pos Naser, Sadat deveni la presidente nova. On ia considera el la popeta simple de Naser, fasil gidable. Ma ses menses pos ce el gania la potensia, el ia comensa la Revolui Coretinte, en cual el sutrae multe omes en governa confidosa a Naser. En 1973 Sadat gida Misre a la Gera de Otobre (de Iom Cippur) en cual Misre e Suria subita ataca Israel per recatura la teritorios ocupada par Israel en la Gera de Ses Dias. Misre e Suria gania susedes partal grande en gera. Misre regania controla de la Canal de Sues e la parte ueste de Sina penisola. Sadat deveni un eroe militar en la mundo arabi. En 1977, el ia visita istorial cuando el viaja a Jerusalem per parla sur pas en Kneset (parlamento de Israel) pos un invita de Begin. Sadat e Begin sinia la Acorda de Camp David, en cual Misre reconose Israel e reprende Sina ocupada.

Per esta Sadat e Begin reseta premio Nobel de Pas. Ma la majoria de arabis vide la reconselia como un tradi de ideales de panarabisme e de la destrui de Israel. En 1979 on esclui Misre de la Alia Arabi, ma on permete Misre de rejunta el en 1989. A contra, Misre deveni un alia de SUA e la mundo ueste.

En 1981, Sadat comanda la aresta de 1600 scolores, comunistes, naseristes, femistes, ges, profesores, pretes cristian, studiantes ativiste. La tota mundo reproxa esta atas contra libria.

En 1981, Sadat es asasinada en Cairo durante un selebra militar organizada per onora la vinse suposada contra Israel en 1973. La asasinores es membros de Djihad Islamiste, un grupo estremiste.

En la funera, xefes numeros de statos de mundo ia es presente. Los inclui tre presidentes pasada de la SUA.

Lias esterna[edita | edita la fonte]