Antemurale Christianitatis

De Vicipedia
Jump to navigation Jump to search

Antemurale Christianitatis (en elefen: "bastion de cristianisme") ia es un eticeta usada per un pais cual ia defende la fronteras de la Europa cristian contra la Impero Osmanian. La paises cual ia reseta esta eticeta ia es Xciperia, Corvatsca e Polsca.

Xciperia[edita | edita la fonte]

En la sentenio 15, la Pape Pio 2, amirante la geras xcip-osmanian, gidada xef par Skanderbeg, ia defini Xciperia como la bastion de cristianisme de Italia (latina: Antemurale Christianitatis Italiaeque). La Pape mesma ia declara la gera contra la Impero Osmanian en 1463, ma tal gera ia nunca es lutada, car la anio seguente el ia mori en Ancona, cuando el ia es organizante la ataca maral contra la osmanianes.

Polsca[edita | edita la fonte]

Per sua disposa de sentenios contra la avansas muslim, la Comunia lietuvisce-polsce ia ance gania la nom de Antemurale Christianitatis. En 1683 la batalia de Wien ia marca un punto de cambia en un disputa de 250 anios entre la forsas de la Europa cristian e la Impero Osmanian muslim. Wespazjan Kochowski en sua Psalmodia polska (1695) nara sur la rol spesial de Polsca en la mundo (antemurale christianitatis – la bastion de cristianisme) en la superioria de la sistem political polsce (złota wolność – la libria orosa).