Alauistes

De Vicipedia
Jump to navigation Jump to search

La alauistes (arabi: علوية‎) es un seta muslim, sentrida en Suria. Los onora Ali (Ali ibn Abi Talib) e sua nom sinifi "seguores de Ali". Oji, los respresenta 12% de la popla de Suria con un minoria importante en Turcia e la norde de Lubnan.

La credes de la alauistes inclui elementos gnostica, neoplatonica, muslim, cristian, e otras. Sua teolojia es fundida sur un truple divin, composada de tre emetes de Dio: la aspeta suprema nomida la "esentia" o "sinifia" (ma'na), la apesta nomida la "nom" (ism) o la "velo" (hijab), e la aspeta nomida la "porton" (bab). Esta tre emetes ia encarne se en formas umana diferente tra alga siclos en istoria. En la siclo de esta eda, la encarnes ia es Ali, Muhammad, e Salman la persian. On pote soma la crede de la alauistes en esta formula: "Me turna me a la Porton, me incline me a la Nom, me adora la sinifia."

Alauistes crede ce los ia es orijinal stelas o luses divine cua ia es lansada de sielo per nonobedi, e debe vade tra reincarnes repeteda ante reveni a sielo. Los crede ce los pote es reincarneda como cristianes o otras tra peca, o como animales si los deveni paganes. Plu, los crede ce Dio ia incarne posible du veses, la prima como Joxua, ci ia concista Canan, e du, la califa cuadro, Ali.

Otra credes e rituos inclui la santi de vin en un forma secreta de la misa, enatada sola par omes; la usa comun de nomes cristian; la tombi de la mor en sarcofagos supra tera; la oserva de kha b-nisan, epifania, natal, la dias de festa de Joan Crisostom e de Maria Magdalena; la libro Kitab al Majmu la testo sentral de la alauistes; la rejeta de Xaria; e la crede ce femes no ave "spiritos" (ma es reincarne plu direta como stelas) e no debe porta la hidjab.