Al-Khawarizmi
.png)
Al-Khwarizmi, (780?-850?), un matematiciste arabi, ia nase en Khwarizm (aora Khiva, Uzbecistan). Sua laboras a aljebra, aritmetica e listas astronomial ia avansa multe la pensa matematical. El ia es la person prima ci ia usa la espresa "al jabr" con sinifia matematical, de cual nos deriva la parola "aljebra". El ia introdui la calcula con dijitos arabi. La parola "algoritmo" (khwarizmia aora en arabi) es derivada de sua nom.
En la sentenio 12, la traduis latina de sua obra sur la numeros barati ia introdui la sistem numeral desimal a la mundo ueste. El es frecuente considerada un de la padres de aljebra. el ia revisa la Jeografia de Ptolomeo e ia scrive sur astronomia e astrolojia.
Biografia
[edita | edita la fonte]Poca detalias es conoseda con sertia. El ia nase en un familia farsi e Ibn al-Nadim ia dona sua loca de nase como Kwarezm en la Khosaran Grande (oji Khiva, rejion de Xorazm, Uzbecistan).
Muhammad ibn Jarir al-Tabari ia nara ce sua nom ia es Musá al-Khwārizmiyy al-Majūsiyy al-Quṭrubbaliyy (محمد بن موسى الخوارزميّ المجوسـيّ القطربّـليّ). La epiteto al-Qutrubbulli ta pote indica ce el ia pote veni de Qutrubbul, un distrito de cultiva de uvas prosima a Bagdad.
La libro Kitab al-Fihrist par al-Nadim inclui un biografia corta sur al-Khwarizmi junta a un lista de la libros cual el ia scrive. Al-Khwarizmi ia reali la plu parte de sua obra entre 813 e 833. A pos la concista muslim de Persia, Bagdad ia deveni la sentro per conose siensal e per comersia, e multe mercatores e siensistes de asta Xina e Barat ia viaja a esta site, como ia fa al-Khwarizmi. El ia labora en Bagdad como un erudita en la Casa de Sajia instituida par la califa al-Mamun, do el ia studia siensas e matematica, cual ia inclui la tradui de manoscritos siensal elinica e sanscrito.
Contribuis
[edita | edita la fonte]La contribuis de Al-Khwarizmi a matematica, jeografia, astronomia e cartografia ia institui la base de inova en aljebra e trigonometria. Sua prosimi a solve egalis cuadral e linial ia gida a aljebra.