Vixnu

De Vicipedia
(Redirijeda de Vishnu)
Jump to navigation Jump to search
Vixnu e sua avatares

Vixnu (sanscrito: विष्णु) es un de la dios xef de induisme. El es la "conservor" en la trinia indu (trimurti) cual inclui Brama e Xiva. En la tradision de Vaixnavisme, el es la esente ultima, identical a Braman, ci usa avatares como "la protejor" cuando la mundo es menasada par malia, caos, o fortias destruinte.

En depintas indu, Vixnu es tipal depintada con un pel blu e cuatro brasos. El teni un padma ("nelumbo") en sua mano basa sinistra, un rompetesta en sua mana basa destra, un conca en sua mano alta sinistra, e un txacra ("disco") en sua mano alta destra. Un depinta tradisional es Vixnu reposante sur la enrola de la serpente Xexa, acompaniada par sua sposa Lacxmi, en cuando el "sonia la universo e realia".

Vixnu viaja sur la dorso de Garuda, un agila enorme. Garuda es un avia santa en Viaxnavisme. En un nara, la Garuda Purana, Garuda transporta Vixnu per salva la elefante Gajendra.

Sua avatares inclui Rama e Crixna. Rama es la sujeto de la Ramayana e la Ram Charit Manas. Crixna es la sujeto de la Mahabharata, la Crixna Charit Manas, e la Bhagavad Gita. Alga indus vide Buda como un avatar de Crixna.