Buda

De Vicipedia
Jump to navigation Jump to search
Un sculta de la Buda de la eda Gupta, en la Museo de Sarnath en India

Buddha o buda (563?-483? aec), filosofiste indian e fundor de budisme, ia nase en Kapilavastu, India (en Nepal de eda presente). El ia es la fio de la xef de la tribu sakia, en la casta de gerores (kashatriyas). "Buda" es sua titulo en budisme, sinifiante la luminada. Buda ia sposi a un eda temprana e ia partisipa en la vive mundal de la corte reial, ma el ia trova monotonia en sua esiste de plase e osia como un prinse.

El ia abanda sua casa e ia comensa vaga, xercante la lumina. On dise en lejenda ce a un dia el ia encontra un senesente, un malada, e un corpo mor, e subita el ia consensi ce sufri es la fortuna comun de umania. Alora el ia pasa prosima de un monce mendicante, calma e cuieta, e el ia fa la deside de adota la manera de vive de un monce e de abanda familia, ricia, e potia en xerca de la veria. Esta desida es clamada "la renunsia grande".

Sirca 528 aec, el ia senta su un arbor prosima a la site de Gaia (aora Bud Gaia, en stato de Bihar), cuando el esperia "la lumina grande", ce revela la manera de salva viventes de sufri. Alora, Buda ia viaja tra la vale de la rio Ganga, enseniante sua credes, coliente seguores, e consruinte comunias de monces.