Brama

De Vicipedia
Jump to navigation Jump to search
Un sculta de Brahma

Brama (sanscrito: ब्रह्मा) es la dio de crea en induisme. El es ance conoseda como Svaiambu ("autonaseda"), Vagisa ("padron de parla"), e la creor de la cuatro vedas, un de cada de sua bocas. Sua sposa es Sarasvati, la diva de sabe, musica, arte, sajia, e aprende.

El es parte de un truple de dios (trimurti) cual causa la renova de la universo: El es la creor, Vixnu es la conservor, e Xiva es la destruor. Brahma, con otra dios, es a veses videda como un forma (saguna) de Braman, cual es sin forma (nirguna). Braman es la realia metafisical ultima en induisme vedantal.

Seguente alga rexercores, Brama no ave la adora popular en induisme moderne, e ave min importa ca la otra membros de la trimurti. Ma el es onorada en la testos antica, an si no videda como la dio xef oji. No multe templos dedicada a el esiste en India. La templo la plu famosa es la Templo Brama en Pushkar, Rajasthan.