Sarasvati

De Vicipedia
Jump to navigation Jump to search
Un depinta de Sarasvati, par Raja Ravi Varma

Sarasvati (sanscrito: सरस्वती) es la diva indu de sabe, musica, arte, sajia, e aprende. El es un parte de la trinia (tridevi) de Sarasvati, Lacxmi, e Parvati. La tre divas aida sua sposos, la trinia de Brama, Vixnu, e Xiva, per crea, manteni, e resicli la universo.

El es descriveda como tan blanca como la luna, vestida en un roba blanca, ornada en joalas blanca, radiante belia, portante un libro e pen en sua manos, cual representa sabe. Un hamsa ("sinie") reposa su sua pedes, cual es un simbol de perfetia spirital.

SarasVati es sanscrito per saras ("acua lageti", ma a veses traduida como "parla") e vati ("el ci posese"). Orijinal, el ia es asosiada con la rio (o rios) ance nomida Sarasvati. La nota de la diva es en la Rigveda, cual descrive el como la plu bon de madres, rios, e divas. Alga indus selebra la festa de Vasant Panchami (la dia sinco de primavera, ance nomida Sarasvati Puja o Sarasvati Jayanti) per onora el, e marca la dia par aida enfantes joven per aprende como scrive la leteras de la alfabeta. La diva es ance adorada par membros de la relijion jain de India sentral e ueste, en ajunta a alga setos budiste.