Valhalla

En mitolojia norsce antica, Valhalla (de la norsce vea Valhöll, "salon de la matada") es un salon enorme locada en Asgard, renada par la dio Odin. Dui de la gerores matada en combate es gidada par valcirias a Valhalla cuando elejeda par Odin; la otra dui vade a Folkvang, la abita de Freia. En Valhalla, la mor resente junta con la masas de los ci ia mori en batalia (la Einherjar) e eroes e res de lejendas e prepara per aida Odin en la avenis de Ragnarok. Ante la salon es la arbor oro Glasir, e la teto de la salon es palida con scermos oro. Viventes variosa abita sirca Valhalla, como la servo Eiktyrnir e la capra Heidrun, ambos descriveda como stante sur la teto comente la folias de la arbor Laerad.

Valhalla es atesta en la Eddas e otra obras e poesias de Island e otra partes de la mundo germanica. Valhalla ia inspira multe obras de arte, leteratur, e cultur popular, e ia deveni un terma sinonim con un salon per la matada elejeda.