Tsimxian

De Vicipedia
Jump to navigation Jump to search
Tsimxian
Sm'álgyax
Parlada en: Canada, SUA
Area:
Tota parlores: 10 000 tsimxianes
Familia:
State ofisial
Lingua ofisial de:
Regulada par:
Sifras
ISO 639-1: [1]
ISO 639-2: tsi
ISO 639-3: [2]
SIL: [3]
Mapa
Tsimshianic langs.png
La areas do es parlada
Vide ance: LinguaLista de linguas

Tsimxian (o Sm'álgyax) es un lingua isolida de Alaska sude-este parlada par sirca 50 persones de sirca 1300 persones de un tribu.

Fonolojia[edita | edita la fonte]

Vocales[edita | edita la fonte]

  Fronte Retro
Streta Ronda
  Corta Longa Corta Longa Corta Longa
Alta /ɪ/ -i /i/ - ii /ɯ/ - ü /ɯː/ - üü /ʊ}/ - u /u/ - uu
Media /ɛ/ - e /e/ - ee /ʌ/ - a   /ɔ/ - o /ɔː/ - oo
Basa /æ/ - a /æː/ - aa       /ɒ/ -

Consonantes[edita | edita la fonte]

  Bilabial Alveolal Palatal Velal Uvulal Glotal
Sentral Ladal Simple Labialida
Plosiva Simple /p/ - p /t/ - t   /c/ - ky /k/ - k /kʷ/ - kw /q/ - /ʔ/ -
Glotalida /pʼ/ - ’p /tʼ/ - ’t     /cʼ/ - ’k /kʷʼ/ - ’kw /qʼ/ - ’ḵ  
Vosida /b/ - b /d/ - d   /ɟ/ - gy /ɡ/ - g /ɡʷ/ - gw /ɢ/ -  
Africante Simple   /t͡s/ - ts            
Glotalida   /t͡sʼ/ - ’ts            
Vosida   /d͡z/ - dz>            
Fricante Vosida   /s/ - s /ɬ/ - ɫ       /χ/ - x /h/ - h
Nasal Simple /m/ - m /n/ - n            
Glotalida /mˀ/ - ’m /nˀ/ - ’n            
Prosiminte Simple     /l/ - l /j}/ - y /ɰ/ - /w/ - w    
Glotalida     /lˀ/ - ’l /jˀ/ - ’y   /wˀ/ - ’w    

Strutur de silabas[edita | edita la fonte]

Tsimxian usa silabas (C)CV o (C)CVC(C) en cual la vocales pote es longa o corta. Consonantes silabal es comun e pote aveni a cualce loca en un parola. La consonantes silabal es m, n, l e sua formas glotalida.

Esemplos:

  • hay.maa.dm - venta norde-este
  • n.lak - ximine
  • k'l.k'ool - plural de verbo nontransitiva "desagi"

Grupos de consonantes es comun, pe pt, pts, ptl, kts, qp, qtk, qtsky, qsk, nts, tgy, etc.

Grupos de consonantes a la fini de parolas ave comun un vocal introduida, la plu comun a:

  • gyelk → gyelag (estra casa).

La vocales longa debe es pronunsiada en un de tre modos: con un tono continuante; un tona cadente; o con un interompe glotal. Esemplos:

  • continuante - kpiil - des (de cosas astrata o ronda)
  • cadente - nóosü - gola
  • interompente- xba'ala - tempesta, tipal de la sude

Asentua[edita | edita la fonte]

La asentua prima tipal es sur la silaba final de la parola. Si un sufisa o junta es ajuntada, la asentua es sur la silaba ante la final.

Morfolojia[edita | edita la fonte]

Un baston tsimxian

Tsimxian es un lingua polisintesal, an si min ca multe otra linguas de America Norde. Tempo, per esemplo, no es indicada en la verbo ma como un parola separada. Ma la verbo es la parola la plu importante en la frase, e con afisas lo pote espresa un frase completa.

La plural[edita | edita la fonte]

Tsimxian usa comun reduplis per indica pluralia en nomes e verbos. Ma la formas es cambiada en modos variosa:

  • yexɫ - sputa (verbo) → yikyexɫ - sputa (plural)
  • da'axɫk - capas → daxda'axɫk - capas (plural)
  • dal - luta → dildal - lutas
  • siipk - maladi (verbo) → sipsiipk - maladi (plural)
  • yuutsk - colareta → yu'itsk - colaretas

Estra redupli, plurales pote ance es formida par ajunta cliticos:

  • goot - cor → g̲agoot - cores
  • agwinübiip - dutio → agwig̲anübiip - dutios

La parola gyik (denova) pote es prefisada per formi alga plurales, spesial los cual refere a tempo:

  • suunt - estate → gyiksuunt - estates

La parola lu'kwil (multe) pote es cortida a lu- e afisada a alga parolas per formi la plural:

  • hadiks - nada → la̰heediks - nadas

Alga plurales es la mesma como la singular:

  • lak - foco → lak - focos

E otras ave plurales con no relata morfolojial:

  • waa - nom → uust - nomes

Sufisas[edita | edita la fonte]

On ave des sufisas per deriva otra parolas con alga relata de sinifia a la orijinal:

  • -x o -ḵ. La forma derivada es la resulta de o es afetada par la radis:
    • ḵ'o'a̰l - oblida → ḵ'oolax - blanda, calda, con dorso a la foco
  • -l o -n. Estas indica ce la radis es la gol o intende de un person, cosa, o ata:
    • gyemk - sol, luna → gyemga̰t - astronomiste
  • -k. La forma derivada ave un cualia singular de la radis:
    • gwisgwaas - jai american → gwisgwaask - blu
  • -s, -sk, -ts, -k. La forma derivada es simil a la radis en multe aspetas:
    • yuutk - porta sirca la colo → yuutsk - colareta
  • -tk. la derivada ave un relata metaforal con la radis:
    • ɫoo - vaga, nada (pex) → ɫo'otk - nubes

Otra sufisas es derivadas de parolas cual pote es ajuntada a parolas per cambia sua sinifia. La afisas deveni multe cambiada par regulas fonolojial o par acaso:

  • aks - acua → ts'ala̰ks - vortis (de ts'al - oio)
  • g̲an - arbor, lenio, basteta → batsgn - ariva en un barcon (de batsk - ariva)
  • gyet - om → gyitwaalgyit (invadores) (de gyitwaal - ataca)
  • ban - ventre → waaybn - ensinta (per canes e, malintendente, femes) (de waay - remo)
  • diilmx - responde, usada per descrive linguas, donce la lingua de la haida ta es haydmx


Procliticas[edita | edita la fonte]

Tsimxian ave multe prefisas clitical. Esemplos:

Loca (stante)

  • lax- - tanjente, supra, paralel
  • t'm- - tanjente, supra, perpendicular
  • lag̲ax - tanjente, no supra, biladal
  • ɫüü-, ɫüükɫi-, ɫüükwɫi- - prosima, su
  • na̰k- - prosima, no su
  • alo-, alu- - distante, su

Loca (movente)

  • ksi-, ksa-, ksü-, xsa- - fonte interna, movente a estra
  • g̲aɫdik- - fonte interna, movente a estra, a supra
  • txa- - fonte interna, movente a estra, a su
  • bax- - fonte tanjente, gol tanjente, asendente, parajeografial
  • dzag̲am- - jeografial, contra la flue
  • uks- - jeografial, a mar

Aspeta

  • si-, sü-, su- - comensante
  • adigul- - continuante, durante
  • huk- - abitual
  • gwüldm- - a ante
  • wil- - seguente

Modo

  • ap-, a̰b- - serta
  • kbi-, xbi- - no vera, dui
  • liks-, lüks- - diferente, strana
  • sis-, süs- - jua, finje
  • sm- - real, vera (pe sm'algyax - lingua vera)

Caso

  • ha- - strumental
  • ha'ali- - loca o tempo per
  • sa̰-, si-, sü-, s- - causante
  • xs- - semblante

Derivada de parolas

  • aam - bon → amadaalḵ - loda, adora (de daalg - reproxa))
  • gwa̰s - covreleto → gwisg̲an - jacon de cortex de sedro, jacon de pluva (de g̲an - arbor)
  • gyeɫk - coteli → gyiɫts'ax - anelo de nas (de ts'a̰ḵ - nas)
  • ts'usk - peti → ts'übaa- coxeante (de baa - core)
  • 'wiileeks - grande → 'wiiḵ'ooli on con capeles longa (de ḵ'ooli - scalpo)

Afisas pronomal[edita | edita la fonte]

Multe de la informa cual aveni en un formula nomin pote es espresada sur la formula verbal. Como esemplos, a su es la formas la plu comun de sufisas asolutiva:

  Singular Plural
Person un -u -m
Person du -n -sm
Person tre -t -t
  • ɫadm baayu (tempo core-me) - Me va core
  • ɫa ḵ'olt (tempo core(pl)-los) - Los es aora corente

Si on ave un nom ergativa nonmarcada en la frase e ance un pronom asolutiva, ance la marca de tempo reseta un sufisa -t:

  • ɫawilt niidzu ol (tempo vide-me urso) - E aora la urso ia vide me

Asi es la afisas pronomal ergativa:

  Singular Plural
Person un -n- -dip-
Person du -m- -m-sm-
Person tre -t- -t-
  • ɫadipwil lu'niidza ol awaan (tempo nos tempo vide(pl) urso ala-prosima-a-tu) - E aora nos ia vide acel ursos prosima a tu

Ambos afisas pronomal pote aveni en la mesma frase:

  • ɫan dzagwat (tempo me mata(singular) el/lo) - me va pronto mata el/lo

Sintatica[edita | edita la fonte]

Tsimxian es un lingua ergativa-asolutiva. An si la marca de nomes e verbos permete ce la sintatica es plu libre ca, per esemplo, lo de engles, la ordina de parolas es ancora importante. La ordinas fundal:

  • Nontransitiva: marca temporal - verbo - nom asolutiva
    • yagwa baas Meli (tempo - core - Maria) - Maria es corente
  • Transitiva: marca temporal - verbo - nom ergativa - nom asolutiva - ojeto nondireta, nomes strumental, beneficante, locante
    • ɫadm ḵ'ag̲a 'yuuta liksoog̲ada haḵ'ag̲a (tempo - abri - om - porte - clave-strumental) - Un om va abri un porte con un clave

Per asentua la nom ergativa, lo pote es moveda a la comensa de la frase con esta cambias:

  • marca de tempo + -t + in- + verbo.

Esta aveni sola si la nom ergativa es un pronom, e nunca con nomes propre. Otra nomes pote es asentuada en la mesma modo con esta cambias:

  • marca de tempo + t - verbo + da.

Formula verbin[edita | edita la fonte]

La formula verbin ave la ordina: marca de tempo - verbo. Ma multe formulas nomin en la frase pote es representada sur ambos la verbo e/o la marca de tempo como prefisas, infisas, o sufisas. On ave sinco marcas de tempo cual pote es combinada per formi tempos o aspetas variosa:

  • nah (perfeta): nah dzap - ja fada
  • dm (futur, progresante): dm dzap - va fa, es fante
  • ɫa (prosima a la presente): ɫa dzap - comensa fa
  • wil (seguente): -wil dzap - e alora fa
  • yagwa (presente, con verbos ativa): yagwa dzap - es fante aora

Alga combinadas:

  • ɫa-dm dzap - es comensante fa
  • nah ɫa-wil dzap - e alora es fininte fa
  • dm ɫa-wil dzap - e aora es comensante fa

Formula nomin[edita | edita la fonte]

La formula nomin fundal ave la ordina: marca de cuantia - ajetivo - nom - determinante - posesente.

Numeros

Simil a sistemes de clasi en otra linguas, Tsimxian ave sete sistemes: cosas astrata, cosas plata e animales, cosas ronda e unias de tempo, persones umana, cosas longa, canoas, e mesuras:

  • gu'pl uwalp - du casas
  • t'apxaada guksɫüüsk - du camisas
  • t'apxaaduul hana'nax - du femes
  • guladaada hana'nax - du femes embarcada (a alga veculo)
  • g̲abeeltk g̲axsoo - du canoas

Ajetivos

Como numeros, ajetivos veni ante sua nom. Los nesesa un -m juntante e debe acorda con la numero de la nom (singular o plural). Ajetivos segue numeros.

  • siipgm haasa - un can malada
  • txalpxdool al'alg̲m smgyigyet - cuatro xefes colerosa

Determinantes

Determinantes segue la nom e la nom nesesa un sufisa juntante, -a.

  • gwa'a - asi, prosima a la parlor
  • gwasga - ala, en acel dirije
  • doni - ala
  • awaan - ala, prosima a la escutor
  • gwi - la
  • ta'a - sola per familia mor

Posese

Posese es mostrada par pone la nom posesente pos la cosa poseseda, cual reseta un -a juntante. Si la ojeto poseseda no es alga cosa forte juntada a la posesor en alga modo (partes de la corpos, vestes, familia, etc), la ojeto reseta la prefisa na-

  • gyigyeda huwaap - la color de la casas
  • nahoon 'yuuta - la pex de la om

Ergativas

Si la verbo es transitiva, la ajenta de la verbo es tratada como un nom ergativa e la ojeto como un nom asolutiva. En esta casos, la marca de tempo reseta la sufisa -t, la verbo reseta la sufisa -da, e la nom ergativa reseta la sufisa -a:

  • yagwat niisda ts'uu'tsa laalt (tempo - vide - avia - verme) - la avia vide la verme

Frases transitiva en cual la verbo es relatada a la asolutiva pote permete ce la nom es juntada a la verbo. La junta verbal -m- es usada per sufisa la nom a la verbo:

  • ɫawil aadmhoonu (tempo - pexa con serca - junta - pex - me) - e donce me ia es aora pexa con serca

Asolutivas

Cuando un verbo nontransitiva es usada, la ajenta de la verbo es tratada como un asolutiva. Si la nom segue direta pos la verbo, donce la verbo reseta un -a sufisa:

  • nah siipga hana'a (tempo - malada - fem) - la fem ia es malada