Tempo (gramatica)
La tempo gramatical es un de cuatro cualias de verbos (minima), con moda, vose, e aspeta, cual parla pote espresa. El indica la tempo de la ata o stato espresada par la verbo.
Tota linguas reconose la mesma tempos gramatical, an si los espresa los en modos diferente. En la tempo pasada, la ata descriveda par la verbo aveni ante la tempo de parla. En la tempo futur, la ata aveni pos la tempo de parla. E, en la tempo presente, la ata aveni durante la tempo de parla (o en un modo abitual, istoria, o universal). Linguas distingui esta tre tempos en modos variosa, pe par ajunta afisas a la verbo, par altera la verbo en otra modos, par usa paroletas pos o ante la verbo, o par usa averbos cual indica la tempo, o alga combina de estas.
Esemplos:
La presente
- Me vade. (elefen)
- I go. (engles)
- Ik ga. (nederlandes)
- Je vais. (franses)
- Vado. (italian)
La pasada
- Me ia vade. (elefen)
- I went. (engles)
- Ik ging. (nederlandes)
- Je suis allé. (franses)
- Andavo. Andai. (italian, formas nonperfeta e prosima)
La futur
- Me va vade. (elefen)
- I will go. (engles)
- Ik zal gaan. (nederlandes)
- J'irai. (franses)
- Andrò. (italian)
Nota como franses usa un paroleta (vais) per indica la pasada, con tre radises diferente. Engles e nederlandes usa paroletas (will e zal) per indica la futur, e varias noncoerente per presente e pasada. Italian ave tre formas con afisas e un forma nocoerente per la presente. En elefen, la pasada es indicada par la paroleta "ia" ante la verbo, e la futur es indicada par "va" ante la verbo; la presente es indicada par la verbo sin paroleta. On ave multe plu varias en otra linguas, algas coerente, algas noncoerente, e algas multe complicada.