Sally Ride

De Vicipedia
Sally Ride, en Challenger, 1983

Sally Kristen Ride (May 26, 1951 – July 23, 2012) ia es un astronauta, fisiciste, e injenior american. Naseda en Los Angeles, el ia reseta un diploma dotoral en fisica en 1978 de la Universia de Stanford, en cuando rexerca la interata de raios X con media interstelal. Astrofisica e laseres de eletrones libre ia es sua areas de studia spesial. El ia deveni un membro de NASA en 1978 e ia deveni la fem american prima en spasio en 1983. El ia es la fem tre en spasio, pos du cosmonautas rusce, Valentina Tereshkova (1963) e Svetlana Savitskaya (1982). Ride ia es ance la astronauta american la plu joven, de 32 anios en 1983.

Pos vola du veses en la Challenger, el ia parti de NASA en 1987. El ia labora per la Sentro per Securia e Controla de Armas Internasional a la Universia de California a San Diego, como un profesor de fisica, rexercante xef otica nonlinial e la sperde Thomson. El ia servi en la comites cual ia investiga la desastres de Challenger e Columbia, la sola person ci ia servi en ambos. Seguente la investiga de la desastre de Challenger, Ride ia es asiniada a la xeferia de NASA en Washington, DC, do el ia gida la emprende prima de stratejia e ia fundi la Ofisia de Esplora de NASA.

Ride ia es multe privata sur sua vive personal. En 1982, el ia sposi astronauta Steve Hawley, ma los divorsa en 1987. Sua anunsia de mori ia revelada ce el ia es omosesal, e ia ave un camerada per 27 anios, Tam O'Shaugnhessy, un profesor de psicolojia de educa a la Universia Statal de San Diego e un ami de enfantia.

Ride ia mori de canser de la pancreas a 23 julio 2012. Pos sua mori, lo ia es revelada ce el ia furni General Donald Kutyna informa clavin sur O-anelos, pd ce los deveni rijida a temperatures basa, cual ia condui ultima a la identifia de la causa de la esplode de Challenger. Seguente seni, sua senes ia es enterada a lado de sua padre en Santa Monica, California