Resife-Parador Grande

De Vicipedia
Un mapa de la rejion de la Resife-Parador Grande

La Resife-Parador Grande es la resife coral la plu grande en la mundo, composada de plu ca 2900 resifes individua e 900 isolas. Lo estende per plu ca 23000 km tra un area de sirca 344,400 km2. La resife es locada en la Mar Coral estra la costa de Queensland, Australia. La resife pote es videda de spasio e es la strutur la plu grande fabricada par organismes vivente. Esta strutur es composada de e construida par biliones de organismes pico, nomida polipos de coral. Lo suporta un diversia grande de viventes e ia es elejeda como un Loca de Erita Mundal en 1981. La resife es un de la simboles de Queensland.

Un parte grande de la resife es protejeda par la Parca Maral de la Resife-Parador Grande, cual aida en limita la efeto de usa umana, como pexa e turisme. La resife ia es conoseda e usada par la australianes orijinal e la popla de la isolas de la Streta Tores, e es un parte importante de la cultures e credes de esta poplas. Un reporta de marto 2016 ia nota ce la blanci de coral ia sperde plu vasta ca pensada a ante, cual afeta seria la partes norde de la resife como un resulta de la caldi de la mar, seguente la cambia de clima global. Esta aveni causa conserna seria par siensistes e sitadanes curante de la mundo.