Rami
Rami (acc rummy, remi, romi, e otra speles e nomes) es un familia de juas de cartas cual es distinguida par la importa de crea grupos de cartas de la mesma grado o segues de cartas de la mesma familia (ambos formas descriveda plu a su). A cada turno on prende un carta de la pila de reserva o de la pila de desprende. On ave multe varias, como la varias popular rami 500, canasta, e jin rami.
Regulas jeneral
[edita | edita la fonte]La distribui
[edita | edita la fonte]Jeneral, cada juor reseta un cuantia de cartas de un paceta de 52 cartas, o plu ca un es alga varias. La cartas cual resta es poneda con fas a su en un pila nomida la reserva. En la plu de varias, un aol carta es poneda a lado a la reserva con sua fas a supra, do la juores pone cartas desprendeda. En la plu de varias, con 2, 3, o 4 juores, cadun reseta 10 cartas. Con 5 juores, cadun reseta ses cartas. En un varia popular - rami 500 - cadun reseta 7 cartas. En rami indian (acc paplu), cadun reseta 13 cartas.
La combinas
[edita | edita la fonte]Cada juor atenta crea grupos de cartas cual (en la plu de varias) ave tre o cuatro cartas de un grado, pe 4♥ 4♦ 4♠ o K♥ K♦ K♠ K♣, o ave tre o plu cartas seguente en un familia, pe J♣ Q♣ K♣ o 4♥ 5♥ 6♥ 7♥. En alga varias cartas como la bufon) pote es usada per representa cualce carta en un combina. Tipal on pote usa sola un bufon en cada combina.
Dependente sur la varia, juores ave turnos prende e dejeta cartas de sua mano de cartas. La plu simple es ce
- on prende un carta de la pila de reserva (o de la pila de dejetadas),
- on pone cualce combinas on vole esibi, si on ave un, o ajunta un carte conveninte sur un combina ja a la table,
- e alora on pone un carta sur la pila de dejetadas.
En alga varias, la combinas es revelada a tota juores par pone los con fas a supra sur la table; en otras la combinas de cada juor es retenida en sua mano asta la fini. Alga varias permete ce on prende la pila intera de dejetadas, o un parte de la pila. Un poca de varias permete fura cartas de la combinas de sua oposor.
La fini
[edita | edita la fonte]En la plu de varias, un juor debe pone tota de sua cartas en a min du combinas (o los pote es permeteda desprende un carta a la pila de dejetadas). A esta tempo, la juor revela sua cartas intera per es validida par la otra juores. Tota otra juores alora mostra cualce plu combinas los ia reteni en mano, e la cartas noncombina cual resta en mano. En la varias simple, no puntos es calculada - el ci pote desprende prima tota de sua cartes es simple la ganior.
En otra varias, pos la juores mostra sua cartas, la ganior o tota juores determina la valua de sua cartas a la table. La cartas real (pajo, rea, e re) es valuada a 10 puntos e la cartas 2 a 10 es valuada como sua grado. La as es valuada tipal como 15; la bufon es tipal 20 puntos. En la plu de varias, cada juor soma la valuas de sua combinas e sutrae la valuas de la cartas ancora en sua mano. (En alga varias, como rami 500, la cartes 2 a 9 pote es valuada como 5). La person si ia mostra sua cartas prima comun gania un regala, pe 25 puntos. Si la cartas ancora en la mano de un juor es valuada plu ca la cartas combinada, lo pote resulta en un conta negativa. Tipal, la jua continua asta un juor esede un limina de puntos, pe 500 o 1000 puntos.
Varias
[edita | edita la fonte]
Rami ave multe varias de tipos diferente:
La grupo la plu fundal es marcada par regulas spesial per combinas. Alga combinas es valuada plu ca otras. La varia la plu bon conoseda es rami 500. Otras inclui rami deutx, sposi, panguingue,
Alga varias ave contratas, en cual juores debe ateni un cuantia de puntos minima per mostra. La plu bon conoseda es rami de contrata e carioca.
Otra varias ave un gol de ave un cuantia minima de puntos o cartas en sua mano. Conquian, un jua mexican, es un de estas. Lo es sujestada ce conquian es la asendente de tota otra formas de romi, e se mesma la desendente direta de mahjong
Varias de la familia de canasta jua tipal con coecipores. Canasta, buraco, biriba, e samba es esemplos.
Juas con colpa ave juores esibi sua cartas en mano a la fini de la jua. En la plu de esta tipos, on pote colpa (o par desprenda un tipo spesifada de carta) cuando el ave cartas valida. Jin rami e rami indian es la plu bon conoseda.
On ave ance alga varias cual usa otra aparatos o cartas diferente de la cartas normal:
Algas usa cartas normal, ma ance un table spesial con cuadros comun con desinias de cartas spesifada sur los. Juores pone fixes en la cuadros. Si un juor pone un carta la mesma como un de la cuadros, el colie la fixes ala. Esemplos inclui rummoli, michigan, poch, e pape Joana.
Un otra grupo usa pacetas de cartas spesial o incluinte cartas spesial. Multe de estas es desiniada spesial per enfantes, como otos demente. La usa du cartas xines en khanhoo e quan dui es esemplos.
Un grupo final es los cual usa telias en loca de cartas. Rummikub es un esemplo de israel cual pote es usada per cualce forma de rami. Un otra es rami con dominos. La esemplo la plu dramosa, e cual respresenta posible la orijina de tota juas de rami, es mahjong, un jua con desinias asian e multe regulas unica, cual es multe juada en Asia este e en la SUA.