Proposa averbin

Un proposa averbin es un proposa cual ave la rol de un averbo en la proposa major, e altera la verbo o la proposa intera. Como averbos, lo furni plu informa sur la modo, la loca, la tempo, la cuantia, la causa, o la razona de la aveni indicada par la proposa major.

En elefen e multe otra linguas, proposas averbin es liada a la proposa major con un sujunta ("si", "car", "afin", etc) o un averbo cual opera como un sujunta ("cuando", "do", "como", "cuanto"). En otra linguas, como engles, la lia es comun un preposada cual opera como un sujunta ("ante", "pos", "asta", "de", etc). En elefen, on debe ajunta un averbo (pe "ante cuando", "pos do", etc).

Esemplos:

• Me no teme la can, car el es multe peti.
• Si los redui tro rapida se pesa, los va regania el.
• Me core afin la rinoseros no catura me.
• El ia scrive cuando sua madre ia demanda.
• El dise ce el es felis do el abita.
• On no ia permete me fa la cosas como me ia desira.

Sujuntas

• Cuando nos ariva, me va dormi.
• El veni cuando la clima es bon.
• Me dormi cuando me pote.
• El ia scrive cuando sua madre ia demanda.
• Nos va canta ante cuando nos dansa.
• Nos va dansa pos cuando nos canta.
• Nos va dansa asta cuando nos adormi.

• El ia dormi do el sta.
• Me veni de do tu ia visita me.
• El dise ce el es felis do el abita.
• Nos abita do la du rios encontra.
• Me vole vade a do la aira es fresca e dulse.

• Nos parla como nos pensa.
• Me no ia es permiteda fa cosas como me ia desira.

• Prende la libros, cuanto tu vole.
• Nos va aida cuanto nos pote.

• Me labora afin me infantes pote come.
• Es calda car la sol brilia.
• Me core afin la rinoseros no catura me.
• Me no pote teme la can car el es multe peti.