Preposada

De Vicipedia

Un preposada es un parola cual relata du otra parolas o formulas con lunlotra. Per esemplo, en la frase "la can en la casa," la parola en relata la parola can e la parola casa. La relatas conserna, per la plu parte, tempo e loca, ma multe otra relatas es ance posible, pe de posese (de) o usa (con). Ma preposadas no es normal la relata sentral de un frase completa, cual es la rol de la verbo. La preposada con la parolas cual segue es nomida un frase preposadal. Multe linguas usa preposadas, per esemplo, elefen e la plu de linguas de Europa. Ma otra linguas prefere usa posposadas, cual segue la nom xef.

Proposadas en elefen[edita | edita la fonte]

Lista completa[edita | edita la fonte]

preposada sinifia esemplo
a (spasio) un loca, un direta o destina, tocante o apoiante el sta a la loca, el vade a la destina, el apoia a la mur
a (tempo) un ora, ves, o tempo me vade a un ora
ante (spasio) a un loca presedente me nas es ante me fas
ante (tempo) presedente la pasa de un periodo indicada el va es finida ante un ora
asta (spasio) a lado de la sal es asta la peper
asta (tempo) pos esta ora a un otra ora me no vide tu asta doman
con (relata) acompaniante, un util, macina, o strumento Maria vade con me, el construi la table con sola un siera
contra (spasio) en fas de los senta se contra la parce
contra (relata) oposa, no aproba, no ance un nonfasil situa me es contra la gera, contra la pluve me ia trova un taxi
de (spasio) la orijina me vade de la orijina
de (tempo) la tempo pos un ora asta esta ora el labora de la matina
de (relata) un posese, la sujeto, la material, un parte la casa es de Maria, la libro es de la gera, el es fada de lenio, me desira un peso de torta
en (spasio) la interna o a la interna la serebro es en la testa
en (tempo) durante un periodo de tempo el ocura en la matina, atende en patina!
en (relata) como usada en un lingua o un otra ce es esta parola en franses?
entre (spasio) a la loca a ambos lados de alga cosa mea testa es entre mea oreas
entre (tempo) la tempo pos un ora e ante un otra ora el es nase entre la du geras
estra (spasio) la esterna la bove es estra la graneria
estra (relata) esetante, no incluinte tota membros es asi, estra Juan
longo (spasio) cuasi paralel a la rio core longo la via
par (relata) un autor o otra creor, un metodo o via esta opera es par Mozart, el fa la table par mano
per (relata) la fini desirada, aida o benefica, la causa, en loca de el scrive un libro per deveni rica, me es felis per la bon tempo, me scrive la libro per me madre, me va vade per Maria
per (tempo) no plu tarde ca un tempo spesifada me va ariva per nove, lo va aveni per cuatri pos sinco
pos (spasio) a un loca seguente el coda es pos sua corpo
pos (tempo) a un tempo cual seguente me debe vade pos un ora
pos (relata) seguente un fonte de informa es vera, pos la jornal
sin (relata) no acompaniante, no incluinte me vade sin Maria
sirca (spasio) en un linia con alga cosa como la sentro, aprosima la anelo es sirca el dito
sirca (relata) no esata me ave sirca 50 anios
su (spasio) a un loca inferior la sumarina es su la mar
su (relata) en un rol inferior me gida la auto su la dirije de la instruor
supra (spasio) plu alta ca la surfas la sielo es supra la tera, el patina supra la lago
supra (relata) en un rol superior no person es supra la lege de la pais
sur (spasio) a la surfas mea xapo es sur mea testa
sur (relata) regardante, consernante esta libro es sur la gera
tra (spasio) via la tren vade tra la tunel
ultra (spasio) indica o move a un otra lado la auto vade ultra la foresta

Frases e ajetivos cual ata como preposadas[edita | edita la fonte]

par causa de par
en loca de per
en caso de si
a lado de asta
a fas de contra
fasante contra
seguente pos
consernante sur
regardante sur
usante con
esetante sin, estra
traversante tra, ultra