Picaria
Picaria es un jua astrata de stratejia per du juores, de la americanes orijinal de la pueblos de la sude-ueste de la SUA (pe zunis, hopis, taos, etc). Lo es relatada a tictacto e a molin con tre pesos.
On ave du varias de picaria. La prima es plu simple, con nove puntos. La varia du usa 13 puntos. La regulas es la mesma.
La varia un usa un table de tre par tre linias, tre vertical e tre orizonal. du linias diagonal lia la du cantos oposante de la table. Plu, on ave cuatro plu linias diagonal liante la medias. Esta cuatro linias plu es cual difere picaria de otra juas simil, como tapatan o achi. La puntos a la crusas de la linias es la locas sur cual la pesos es poneda.
La varia du usa un table simil, estra ce on ave cuatro plu puntos sur cual on pote pone pesos. La cuatro puntos es sur la crusas de la cuatro linias diagonal con la crusas de la linias diagonal plu grande. An si la cuantia de puntos (e donce la cuantia de linias ganiante posible), la du varias usa la mesma table (vide a supra).
Cada juor ave tre pesos. Un juor usa pesos negra, la otra usa pesos blanca. Otra du colores pote ance es usada. A la comensa de la jua, la table es vacua. Juores deside cual colores los va usa, e ci va comensa.
Fase un: Cada juor pone un peso per turno sur cualce punto vacua, estra la sentro. Juores alterna sua turnos. Pesos no pote es moveda asta tota ia es poneda. Si on juor ia pote pone tre pesos en un linia (orizonal, vertical, o diagonal), el ia gania la jua.
Fase du: Pos tota pesos es sur la table, si nun ia gania, cada peso pote es moveda un a un ves seguente la linias a un punto ajuntante, incluinte la sentro. Denova, la gol es move per crea tre pesos en un linia.
On pote eleje usa du regulas plu: Un fini egal aveni cuando un juor no pote move - o esta es regardada como un perde per acel juor. Repete un ordina de pesos tre veses seguente es un otra situa cual pote es nomida un fini egal.