Pex arjento

De Vicipedia
Jump to navigation Jump to search
Un pex arjento

Pexes arjento es insetos de la ordina zigentoma, cual es composada de sirca 400 spesies conoseda. Un cualia notable de la ordina es ce tota membros ave tre filetas caudal longa. La du filetas ladal es sercos, e la fileta medial es un epiprocto. En esta, los sembla la arceognatos, ma la sercos e epiprocto es cuasi egal en longia.

La pex arjento ia reseta sua nom car lo ave un brilia arjento de sua scamas, e car sua move ia es descriveda como simil a un pex nadante. La plu de spesies esistente ave un longia de min ca du cm, ma fosiles esiste cual es sirca 6 cm.

Pexes arjento pote es trovada en ambientes umida o seca, como organismes libre o en nidos. En casas, los come sereal, pasta, paper, amidon en vestes, fibres de raion, e carne secida. En natur, los pote come detrito organica. Los pote es a veses trovada en banios o lavabos, car lo es difisil per move sur surfases lisa e los deveni trapida si los cade a en.

Spesies savaje es comun trovada en abitantes umida como cavas o su rocas, e algas coabita e comparti comedas con formicas en sua colonias.