Arceognato

De Vicipedia
Un arceognato, nomida un rock bristletail en engles

Arceognatos es insetos peti con corpos longa e dorsos arcida, spesial supra la torax. Los ave tre strutures como codas longa, de cual la du a la lados es sercos, e la filo media, la plu longa, es un epiprocto. La antenas es flexable. La du oios composada e larga toca lunlotra a la alta de la testa, e on ave tre oietas. La partes de la boca es partal retirable, con mandibulas simple per mastica e palpadores masilal longa.

Entre la tasonomia de insetos esistente, estas es alga de la plu primitiva evolual; los ia apare en la period devonian media a sirca la mesma tempo como la aracnidos. Sua sola relatas es la pexes arjento.