Patriotisme
Patriotisme o orgulo nasional es la ideolojia de ama e dedica a un propre pais, e un senti de alia con otra sitadanes ci comparti la mesma valuas. Esta pote es un combina de multe cualias diferente relatante a sua propre pais, incluinte aspetas etnical, cultural, political, o istorial. Lo inclui un grupo de consetas prosima relatada a los de nasionalisme.
Alga formas de patriotisme asentua la simbolisme romantica de cultiva e familia, per esemplo la idea de "Blut und Boden" (sangue e tera) de alga patriotas de Deutxland en la sententio 20 temprana. Tro multe patriotisme en la defende de un nasion es ance nomida "xovinisme" (de un patriota franses estrema, Nicolas Chauvin) e "jingoisme" (de un cantada engles popular promovente la partisipa en la Gera Ruso-Turces (1877–78).
La idea jeneral de un virtua sivil e dedica a la grupo ia es atestada en cultur tra la mundo e la periodo istorial. Per la pensores de la Lumina de Europa en la sentenio 18, la idea de fida a la stato ia es xef considerada como un contraste a fido a la eglesa. Esta pensores ia critica ance cual los ia vide como la esede de patriotisme. En 1774, Samuel Johnson ia publica La Patriota, un critica de patriotisme falsa: "Patriotisme es la refuja final de la vil"[1].
En la mesma sentenio, Voltaire ia dise Il est triste que souvent, pour être bon patriote, on soit l’ennemi du reste des hommes ("Lo es triste ce, per es un bon patriota, on debe deveni la enemi de la resta de umania")[2].
Plu resente, George Orwell, en sua esaia influente Notas sur Nasionalisme ia distingui patriotisme de la conseta relatada de nasionalisme:
| Par patriotisme, me intende devota a un loca spesifada un un modo de vive spesifada, cual on crede la plu bon en la mundo, ma no ave un desira per forsa lo sur otra persones. Patriotisme es, par sua natur, defendente, ambos militar e cultural. Nasionalisme, par contrasta, no es separable de la desira per potia. La intende de cada nasionaliste es per prende plu potia e plu prestijia, no per se mesma, ma per la nasion o otra unia en cual el ia eleje per afonda sua propre individuia". |
Marxistes ia ave opinas variosa regardante patriotisme. A un lado, Karl Marx ia dise famosa, "La omes laborante no ave un nasion" e "la supremia de la proletaria va causa ce la diferes nasional ta desapare an plu rapida"[3]. La mesma idea es promoveda par la trotscistes de oji, como Alan Woods, ci "favore destrui tota fronteras e crea un comunia mundal sosialiste"[4].
A la otra lado, stalinistes e maoistes tipal suporta un patriotisme sosialiste fundida sur la teoria de sosialisme en un nasion[5].
Referes[edita | edita la fonte]
- ↑ Boswell, James (1986), Hibbert, Christopher, ed., The Life of Samuel Johnson, New York: Penguin Classics, ISBN 0-14-043116-0
- ↑ François-Marie Arouet (Voltaire), Dictionnaire philosophique, “Patrie,” sec. iii (1764)
- ↑ "Communist Manifesto (Chapter 2)". Marxists.org. Retrieved 2013-11-03.
- ↑ https://web.archive.org/web/20141210133415/http://www.marxist.com/alan-woods-talks-at-concordia-u-montreal.htm, 10 desembre 2014
- ↑ Motyl, Alexander J. (2001). Encyclopedia of Nationalism, Volume II, Academic Press. ISBN 0-12-227230-7.