Palmach

De Vicipedia
Jump to navigation Jump to search
Palmach-insignia.jpg

Palmach (ivri: פלמ"ח, acronim per Plugot Maḥatz (ivri: פלוגות מחץ), "fortias de luta") ia es es un fortia de batalia de elite de la Haganah, la armada no ofisial de la comunia iudi en la Autoria Brites de Filastin. Lo ia es instituida en 15 maio 1941. Con la eruta de la Gera israeli de nondepende ia es composada de 2000 omes e femas en tre brigadas de batalia e unias de securia marinal e airal aidante. Con la crea de la armada de Israel, la tre brigadas de Palmach ia es desgrupida. Esta e otra causas political ia forsa multe de la ofisiores major de Palmach a resinia en 1950.

Instrui fundal ia inclui bon forma fisical, armas peti, tumultas e KAPAP, instrui maral fundal, topografia, aida prima e operas de scuadron. Plu de la membros de Palmach ia reseta instrui avansada en un o plu de la areas seguente: sabota e esplodentes, esplora, radio e comunicas, mitraliadores lejer e media e morteros de du e tre ditones. Instrui de ploton ia inclui marxas longa, combinada con eserses con munis ativa, suportada par artileria, mitraliadores e morteros.