Nenets (lingua)

De Vicipedia
Un familia nenets
Un vista en "Nenetsia"

Nenets es du linguas prosima relatada parlada en Rusia norde par la popla nenets. An si los es comun tratada como du dialetos de la mesma lingua, los es sufisinte diferente ce popla ci sola parla un no pote tipal comprende la otra. un de los es la nenets de tundra, con sirca 30,000 a 40,000 parlores en un area cual estende de la penisola Canin a la rio Ienesei. La otra es la nenets de la foresta, con sirca 1000 a 1500 parlores de la area sirca la rios Agan, Pur, Liamin, e Nadim.

La linguas nenets es clasida en la familia de linguas uralica, cual sinifia ce los es distante relatada a linguas como suomi, esti, e magiar, e ance a otra linguas minor parlada en Rusia. Ambos de la linguas nenets ia es multe influeda par rusce. Nenets de la tundra ia es ance influeda par comi e canti norde. Nenets de la foresta ia es ance influeda par canti este. Nenets de la tundra es bon documentida, e ave la prestijia de un lingua nativa e minor en Rusia, e ave un tradision de leteratur comensante en la desenio 1930. Ma nenets de la foresta ia es scriveda prima en la desenio de 1990 e es sola poca documentida.

Estra la parola "nenets", sola un otra parola nenets ia deveni comun en linguas grande: parca, la parola per sua jaca tradisional, longa e con capeta, fabricada de pel e, a veses, de pelo.

Gramatica[edita | edita la fonte]

La sintatica e morfolojia de nenets es tipal per la familia e la area. Lo segue la ordina SOV e marca la testa de formulas.

Nomes ave sufisas de caso, cuantia (singular, dual, e plural), posesor, e "destina" cual es usada con lo de posesor per indica la destina, pe "el es mea sposo futur". La lingua ave sete casos, divideda entre casos strutural e casos local. La casos strutural es la nominativa, acusativa, e jenetiva, e la casos local es la dativa, locativa, ablativa, e prolativa. Sinifias plu esata is indicada par posposadas.

Verbos ave sufisas per indica tempo e modo, e acorda con la caso de la sujeto, e en la caso de verbos transitiva, con la caso de ojeto ance. Plu, en la formas infinitiva, on ave cuatro partisipios, du jerundas, cuatro formas averbal, e la negativa. Plu, verbos pote cambia sua valua o aspeta par prosedes morfolojial.

On ave sinco tempos - presente, pasada, futur, abitual, e futur-en-la-pasada (comun usada como un forma ireal en loca de un tempo). La sistem de modos es multe sinifiante e inclui 15 modos diferente cual espresa sinifias epistemolojial, obligal, e astentante.

Fonemes[edita | edita la fonte]

Nenets inclui la palati de cuasi tota consonantes. Esta ia deriva de contrastas entre cualias diferente de vocales en sua protolingua:

  • Cä, *Ca → *Cʲa, *Ca
  • Ce, *Cë → *Cʲe, *Ce
  • Ci, *Cï → *Cʲi, *Ci
  • Cö, *Co → *Cʲo, *Co
  • Cü, *Cu → *Cʲu, *Cu

La consonantes */k/ e */ŋ/ ia es moveda a */sʲ/ e */nʲ/ cuando palatida. Cambias simil ia aveni en otra linguas samoiedica parlada en la tundra, pd enets, nganasan, e iurats (estinguida).

Nenets de tundra ia resta jeneral plu prosima a protonenets ca nenets de foresta, de cual su fonolojia ia es influeda plu par la dialetos de canti este. Cambias dirijeda a la linguas moderne inclui:

Nenets de tundra:

  • Deslabiali de /wʲ/ → /j/
  • Moli cuando comensante de /k/ → /x/
  • Simpli de /ʔk/ → /k/

Nenets de foresta:

  • Cuando comensante, /s/ → /x/
  • Desnasali cuando medial de /nʲ/ → /j/
  • La cambia de sonas R a fricantes ladal: /r/, /rʲ/ → /ɬ/, /ɬʲ/
  • La corti de nasales duple
  • Rompe de la jemeli /lː/ → /nɬ/
  • Fonemi de velales palatida seguente cambias de vocales de /kʲ/, /xʲ/, /ŋʲ/
  • Alti de vocales noncluida ante un silab con un vocal cluida orijinal
  • Perde de distinguis entre vocales en silabas nonasentuada
  • La introdui de contrastas corta e longa per/a/ and /æ/

Vocales[edita | edita la fonte]

La cuantia de fonemes vocal en nenets de tundra es des, con 17 alofones distinguida governada par palati, cual domina la segues intera de vocales e consonantes. Vocales es mostrada en la carta a su. Fonemes es forte marcada, con sua formas palatida (a la sinistra) e alofonemes nonpalatida (a la destra marcada) usante la AFI

Vocales nonronda Vocales ronda
Cluida Longa /í/
(ʲ)iː , ɨː
/ú/
(ʲ)ʉː , uː
Corta /i/
(ʲ)i , ɨ
/u/
(ʲ)ʉ , u
Media Tensa /e/
(ʲ)eː , ɤː
/o/
(ʲ)ɵː , oː
Laxe /°/
ə
Abrida Tensa /a/
(ʲ)aː , ɑː
Laxe /ø/
(ʲ)ɐ , ʌ

Consonantes[edita | edita la fonte]

Nenets de tundra ave 27 consonantes. Tota consonantes labial e coronal ave formas simple e palatida.

Bilabial Coronal Velal Glotal
Simple Palatida Simple Palatida
Nasal m n ŋ
Esplodente Sin vose p t k ʔ
Vosida b d
Africante Sin vose ts tsʲ
Fricante Sin vose s x
Prosiminte Semivocal j w
Ladal l
Vibrante r

Tota consonantes pote es trovada entre vocales, ma sua aveni en otra locas es forte limitada.

  • Sola la 16 consonantes en la fondo gris oscur pote aveni a la comensa de un parola.
  • Sola ses consonantes pote aveni a la fini de un silaba: /b/, /ʔ/, /m/, /n ~ ŋ/, /l/, /r/.

Scrive[edita | edita la fonte]

La alfabeta de nenets de tundra es fundida sur la alfabeta cirilica, como la plu de otra lingus en Rusia, con la ajunta de tre leteras - Ӈ ӈ, ʼ, e ˮ. Ӈ es pronunsiada /ŋ/, ˮ es /ʔ/, e ʼ es ance /ʔ/ ma a la fini de un parola (derivada de un /n/ final). Como en rusce, la consonantes es palatida par usa la sinia mol - ь, pe /mʲ/ es scriveda мь, ma si lo es segueda par un vocal palatinte, como ё, donce mʲo es scriveda мё.