Monolatrisme

De Vicipedia

Monolatrisme (de elinica μόνος e λατρεία, cual sinifia singular e adora) es la crede en la esiste de multe dios o divines, ma con un adora coerente de sola un dio. La terma ia es posible usada prima par Julius Wellhausen. Monolatrisme es distinguida de monoteisme, cual afirma la esiste de sola un dio, e de henoteisme, en cual la credor adora un dio sin nega ce otras pote adora otra dios con validia egal.

La esemplo de monolatrisme la plu bon conoseda es lo es la faraon Akhenaten, ci ia introdui la relijio de atenisme en la anio sinco de sua rena en la dinastia 18 de Egipte antica El ia leva Aten, orijinal un cuasi oscur dio representa la disco de la Sol, a la prestijia de la dio suprema. Lo es posible ce la adora par multe de la "Sol invictus" en Roma antica es ance un esemplo.

Alga istoristes ia sujesta ce Israel antica ia pratica orijinal o forma de monolatrisme o henoteisme. Un sujesta es ce la anjeles ia es la forma final de la otra dios cuando monoteisme ia deveni realida. Un posible indica de esta idea es la comanda en Esodo 20:3: "Tu debe ave no otra dios ante me", cual pote es interpreteda como sujestante ce Iaue ia ave competores en la periodo temprana de iudisme.