Enoteisme

Enoteisme (de elinica ἑνός θεοῦ, sinifiante "de un dio") es la adora de un dio solitar, sin nega la esiste o esiste posible de otra dios o divines. Friedrich Schelling (1775–1854) ia inventa la terma, e Friedrich Welcker (1784–1868) ia usa lo per descrive la monoteisme de la elinicas antica (pe, en neoplatonisme).

Max Müller (1823–1900), un filolojiste e orientaliste, estende la terma en sua scrives sur relijios de India, spesial induisme, de cual sua testos santa nota e loda multe dios ma vide los como avente sola un esense divin. La terma ia es ance aplicada a la credes de la Eglesa de Jesus Cristo de Santas de Dias Ultima, ma la conveni es debatable.