Model:Bon article 2/7
La Universia de Oxford es la instituida de instrui alta la plu vea en la mundo de la lingua engles, situada en Oxford, England. La site Oxford ia es ja importante como sentro de instrui a la fini de la sentenio 12. En la desenio de 1250, membros de multe ordinas relijiosa ia abita en Oxford, ia deveni influosa e ia manteni casas per studiantes. Alora, persones privata carital ia fundi universias per servi como comunias autosufisinte de scolores; un cuantia cresente de studiantes ia abita en la universia.
La aprendes de la Renase (sentenios 14 a 17) ia influe vasta Oxford.
La universia ia es un sentro de la Partido Monarciste en la Gera Interna Engles (1642–49). La soldato-statiste Oliver Cromwell, canselor de la universia de 1650 a 1657, ia es encargada a preveni la clui de la du universias de Oxford e Cambridge par la puritanes, ci ia regarda la instrui de la universia como perilosa a sua credes relijiosa.
Reformis de organiza en la sentenio 19 ia inclui un tolera plu grande per desacorda relijial e la fundi de cuatro scolas per femes. La cursos de Oxford ia avansa en la sentenio 19 per inclui studias medical e siensal.
Per plu, vade a Universia de Oxford