Model:Bon article 2/31

Anatomia (de la parola elinica ἀνατομία o anatomia, cual sinifia "talia en partes") es un ramo de biolojia cual studia la strutur e organiza de cosas vivente.

Anatomia es divideda en multe partes. Per esemplo, la anatomia de animales es nomida "zotomia"; la anatomia de plantas es nomida "fitonomia". Si la studia es de un spesie o un otra, esta es nomida "anatomia spesial". Si la studia es entre spesies, esta es nomida "anatomia comparante". La anatomia de umanas es nomida (par alga siensistes) antropotomia. Un parte importante de la anatomia de umanas es la anatomia patolojial, la studia de organos malada.

La istoria de anatomia es marcada par un comprende progresiste de la funsionas de la organos e strutures de la corpo umana. La metodos ance boni multe, avansante de la esamina de animales par la sesioni de corpos mor a la tecnicas de de imaji medical en la sentenio 20 como raios X e ultrasona.

Anatomia e fisiolojia, cual studia (en ordina) la strutur e la funsiona de la organismes e sua partes, fa un par natural de campos relatas, e los es frecuente studiada en junta.

Derivada de la elinica ἀνατομή anatomē "sesioni" (de ἀνατέμνω anatémnō "me talia a pesos, me talia abrinte" de ἀνά aná e τέμνω témnō "me talia") , anatomia es la studia siensal de la strutur de organismes incluinte sua sistemas, organos e texedas.

Per plu, vade a Termas de anatomia umana (lista)