Model:Bon article/7

De Vicipedia
Jump to navigation Jump to search

Morfolojia es la studia de la morfemes en un lingua. Morfemes es parolas, radises, e afisas, la unias la plu simple de lingua, un nivel plu alta ca la fonemes. An si los es comun videda como unias de sinifia, los es plu bon videda como un parte de la sintatica de un lingua.

Lo es en se morfolojia ce nos pote vide plu clar la diferes entre linguas cual es isolante (como xines, indonesian, creol, etc), los cual es aglutinante (como turces, suomi, tamil, etc), e los cual es infletante (como rusce, latina, arabi, etc). Linguas isolante usa morfemes gramatical cual es parolas individua. Linguas aglutinante usa morfemes gramatical en la forma de silabas liada a radises, pd afisas. Linguas infletante pote estende un paso plu e cambia la parola a la nivel de fonemes per espresa morfemes gramatical

Tota linguas ave vera sistemes miscada, e difere plu en la proportios. Engles, per esemplo, usa tota tre metodos: Per la tempo futur de un verbo, on usa la particula "will" (pe "I will see you"); per la tempo pasada, on usa normal la afisa "-ed" ("I changed it"); ma en multe parolas, on cambia la fonemes de la parola per la pasada ("I see" deveni "I saw"). Regardante nomes, a alga veses on crea la plural con un particula ("three head of cattle"), a otra veses on usa un afisa ("three cats"), e a otra veses plu, on cambia la parola ("one man" deveni "three men"). Ma, car on usa multe afisas nonsilabal (como "-ed", pronunsiada como d o t, e "-s", pronunsiada como s o z, engles es plu comun videda como un lingua infletante par linguistes.

Per plu, vade a Morfolojia!