Marguerite de Frans

De Vicipedia
Jump to navigation Jump to search
Un depinta de Margarita de Valois

Margarita de Valois (pron "valuá"; 14 maio 1553 – 27 marto 1615), ia es un prinsesa franses de la dinastio de Valois ci ia deveni la sposa real de Navara e plu tarde de Frans ance. Par sua sposi con Henri tre de Navara (plu tarde Henri cuatro de Frans), el ia es la rea de Navara e alora de Frans a la asende de sua sposo en 1589 a la trono de Frans. Sua sposi ia es negada en 1599 par un deside par la Pape. El ia es la fia de Re Henri du de Frans e Caterina de Medici (pron "méditxi"), e la sore de res Fransesco du, Carlos nove, e Henri tre. Sua sposi, cual ia ta selebra la reconsilia de catolicas e ugonotes, ia es susida par la Masacra de la dia de san Bartolomeo, e la recomensa de la turbas de relijio cual segue. En la desacorda entre Henri 3 e la Noncontentes (aristocratas ci oposa la asolutisme de la re), el ia suporta la lado de Fransisco, dux de Anjou, de la Noncontentes e sua frate plu joven, e esta ia causa un antipatia profonda a Margarita par la re.

Cuando el ia es la rea de Navara, el ia prende un rol reconsiliante en la relatas turbosa entre sua sposo e la monarcia franses. Navetida entre du cortes, el ia atenta condui un vive felis con sua sposo, ma sua sterilia e la tensas inerente en la Geras franses de relijio ia cuasa la fini de sua sposi. Maltratada par un frate ci ia es fasil ofendeda, e rejetada par un sposo nonconstante e oportuniste, Margarita ia eleje prende un rol oposante en 1585. El ia alia se con la Alia Catolica e ia es forsada per vive en Auvergne (pron "overnie") en un esclui cual ia dura 20 anios.

El ia es un fem de leteras bon conoseda e un mente luminada, el ia es ance un patron multe jenerosa e ia partisipa multe en la vive cultural de la corte, spesial pos sua reveni de esclui en 1605. El ia promove neoplatonisme, cual ia predica la supremia de ama platonica supra ama fisical. Cuando prisonida, el ia prende vantaje de la tempo per scrive sua autobiografia, la fem prima ci ia fa lo. El ia es un de la femes la plu modosa de sua eda, e ia influe multe de la cortes real de Europa con sua vestes.

El ia deveni un vitim de un tradision de istoriografia cual ia destrui la importantia de sua atas en la sfero politica de la eda, per reforti la cambia de dinastios franses de la Valois a la Bourbon, contribuinte un sensa de autoria a la malacusa cual sirculi sur el, e ia crea la mito de un fem bela e culturada, ma nimfomanica e insestosa. Esta mito ia cristali sirca la nometa famosa de Rea Margot, inventada par Alexandro Dumas (padre).