Linguas coe
La linguas coe (khoe) es la plu grande de la familias de linguas nonbantu nativa a Africa sude. Los ia a un ves considerada como un ramo de un familia de linguas coisan, ma coisan es aora rejetada como un familia, e la nom es retenida como un terma de conveni per indica la linguas coe e otra linguas con similes areal en Africa sude.
La lingua con la plu parlores e la sola bon conoseda es coecoe (khoekhoe, ance nama, damara) de Namibia. La resta de la familia es trovada xef en la Deserto Calahari de Botsuana. La linguas es sufisinte simil ce comunica es posible entre los.
La linguas coe ia es la prima linguas coisan conoseda par colonistes european e es famosa per sua clicas, an si los no es tan estendeda como en otra linguas coisan. On ave du ramos de la familia, la coecoe de Namibia e Sudafrica, e la calahari o txucue (Tshu-Khwe) de Botsuana e Zimbabue. Estra per coecoe, los es menasada par linguas nasional o rejional como tsuana.
Linguas coe (khoe):
- Linguas coecoe
- Coecoe norde
- Nama (lingua) (khoekhoe, damara)
- Eini (dialeto) (estinguida)
- Coecoe sude
- Coemana (korana, griqua, xiri - menasada)
- Coecoe norde
- Linguas calahari (tshu–chwe)
Nota ce la "linguas" a supra es vera colies de dialetos prosimi a lunlotra, con multe nomes dependente de la tribu.
Un relata prosimi a la familia coe es posible la lingua estinguida cuadi (lingua) de Angola. Cuadi con coe, per cual pronomes e alga vocabula fundal ia es construida, es nomida coe-cuadi (khoe-kwadi).