Lacota (lingua)
| Lacota Lakȟótiyapi | |||
|---|---|---|---|
| Parlada en: | Statos Unida de America | ||
| Area: | |||
| Tota parlores: | 6000 | ||
| Familia: | Linguas Su | ||
State ofisial
| |||
| Lingua ofisial de: | |||
| Regulada par: | |||
Sifras
| |||
| ISO 639-1: | [1] | ||
| ISO 639-2: | [2] | ||
| ISO 639-3: | [3] | ||
| SIL: | [4] | ||
Mapa
| |||
| Vide ance: Lingua – Lista de linguas | |||
Lacota es un varia de la lingua dacota e un membro de la familia de linguas su. Lo es parlada par sirca 6000 persones, de ci la plu abita en la SUA norde-sentral.
Gramatica[edita | edita la fonte]
Ordina de parolas[edita | edita la fonte]
La ordina de parolas en lacota es SOV (sujeto-ojeto-verbo), an si on pote cambia la ordina per espresa asentua, etc. Lo usa posposadas, pe mas'óphiye él, "a la boteca" (leteral, "boteca-la")
La ordina segue jeneral esta model (los en brasetas es elejable, no nesesada):
- (esclama) (junta) (averbo/s) (nom) (nom) (nom) (averbo/s) verbo (clitico/s) (junta)
On pote ave asta tre nomes: la sujeto, la ojeto direta e la ojeto nondireta. A la otra lado, on pote ave frases con sola un parola: la verbo.
Esclamas[edita | edita la fonte]
Esclamas vade a la comensa de la frase. Un cuantia peti de esclamas es usada par sola la un o la otra seso. Per esemplo, la esclama per espresa noncrede es ečéš per femas ma hóȟ per omes; la esclama per atrae atende es máŋ per femas ma wáŋ. La plu de esclamas es usada par ambos sesos.
Conjuntas[edita | edita la fonte]
Lo es comun ce un frase comensa con un conjunta. Ambos čhaŋkhé and yuŋkȟáŋ pote es traduida como "e", e k’éyaš sembla "ma". Cada de los junta proposas. Plu, la conjunta na junta nomes o formulas.
Averbos e posposadas[edita | edita la fonte]
Lacota usa posposadas, cual es simil a preposadas ma segue sua nom. Averbos o formulas posposadal pote descrive moda, loca o razona. On ave ance averbos de demanda, cual es usada per crea demandas.
Nomes e pronomes[edita | edita la fonte]
Nomes es elejable en lacota, ma cuando los apare, la ordina de parolas es nomral sujeto-ojeto-verbo. Pronomes no es comun, ma pote es usada per contrasta o per asentua.
Lacota ave cuatro articles: waŋ es la article de nondefini, simil a "un" en elefen, e kiŋ es la article defini, simil a "la". Plu, waŋží es un article de nondefini cual es usada con ojetos ipotesal, e k’uŋ es un article de defini cual es usada con nomes a cual on ia refere ja.
Mostrantes[edita | edita la fonte]
On ave ance nove mostrantes, cual pote funsiona como pronomes o determinantes:
| distantia de parlor | |||
|---|---|---|---|
| prosima | neutral | distante | |
| singular | lé | hé | ká |
| dual | lenáos | henáos | kanáos |
| plural | lená | hená | kaná |
La mostrante hé es la plu neutral. Pos cuando un nom ia es locada, par punta o descrive, en spasio o en la mente de la escutor, hé pote es usada. Ante esta, on usa normal lé or ká per mostra esata lo cual es intendeda, an si hé pote es usada en cuando on punta.
Verbos[edita | edita la fonte]
Verbos es la sola clase de parolas cual es obligada en un frase lacota. Verbos pote es ativa (nominte un ata) o stativa (descrivente un cualia — cual en elefen nesesa "es" e un ajetivo). Verbos es infletada per persones un, du e tre, e per singular, dual e plural.
On ave du modeles per la infleta de la verbo: Un grupo de morfemes indica la person e cuantia de la sujeto de verbos ativa. Un otra grupo de morfemes acorda con la ojeto de verbos ativa e transitiva o la sujeto de verbos stativa.
La plu de morfemes en ambos modeles es prefisas, ma sujetos plural es marcada con un sufisa, e la ojetos en la person tre plural es marcada con un infisa.
La person un pote es singular, dual o plural; la person du e tre pote es singular o plural.
Sujeto de verbos ativa
| singular | dual | plural | |
| person 1 | wa- | uŋ(k)- | uŋ(k)- … -pi |
| person 2 | ya- | ya- … -pi | |
| person 3 | (no marcada) | -pi |
Esemplos: máni "el pasea"; mánipi "Los pasea"
Sujeto de verbos statica
| singular | dual | plural | |
| person 1 | ma- | uŋ(k)- | uŋ(k)- … -pi |
| person 2 | ni- | ni- … -pi | |
| person 3 | (no marcada) | -pi |
Ojeto de verbos transitiva
| singular | dual | plural | |
| person 1 | ma- | uŋ(k)- … -pi | |
| person 2 | ni- | ni- … -pi | |
| person 3 | (no marcada) | -wicha- |
Esemplo: waŋwíčhayaŋke "el ia regarda los"
Cliticos[edita | edita la fonte]
Lacota ave alga cliticos, particulas cual segue la verbo. Alga de los difere si la parlor es mas o fema.
Alga cliticos indica la aspeta, moda o cuantia de la verbo cual los segue. On ave ance alga cliticos de demanda cual marca la espresa como un demanda e mostra detalias peti de sinifia. Per esemplo, en cuando he es la clitico normal per demandas, huŋwó es usada per demandas retorical o en parlas formal, e wa indica un grado de dubi e funsiona como un "demanda de cortesia".
Un poca de cliticos (sirca oto) difere con la seso de la parlor. Yeló (omes) e ye (femes) marca asertas jentil. Kštó (femes) marca asertas forte. Yo (omes) e ye (femes) marca comandas neutral. Yetȟó (omes) and nitȟó (femes) marca comandas familiar, e ye (ambos omes e femas) e na marca comandas cortes. He es usada par ambos sesos per marca demandas direta, ma omes usa ance hųwó en situas plu formal. So (omes) e se (femes) marca demandas cual no suposa ce la otra person sabe la responde.
Parlores nativa e linguistes acorda ce alga cliticos es relatada con un seso o la otra, ma esta regula es no sempre segueda. A veses, omes usa cliticos de femes, e femes usa los de omes.