Jump to content

La tribu des-tre

De Vicipedia
La tribu des-tre
The Thirteenth Tribe
Autor: Arthur Koestler
Pais: Rena Unida
Lingua: Engles

La tribu des-tre es un libro scriveda e publicida par Arthur Koestler en 1976, en cual la autor avansa la tese ce la axcenazis no es desendente de la israelites de Anticia, ma de la hazares, un popla turcica. Koestler ipotetiza ce la hazares (Ci ia converti a iudisme en la sentenio 8), ia migra a ueste a en Europea Este en la sentenios 12 e 13 cuando la Impero Hazar ia colasa.

Koestler ia usa obras par Douglas Morton Dunlop, Raphael Patai e Abraham Poliak como fontes. Sua intende ia es fa antiiudisme desapare desaprobante sua fundas razal.

Resoma[edita | edita la fonte]

Contenida[edita | edita la fonte]

En la libro, Koestler avansa la tese ce la axcenazis no desende de la ivris de Anticia, ma de la hazares, un popla turcica orijinante e creante un impero entre la Mar Negra e la Mar Caspio. La ipotese de Koestler es ce la hazares (ci ia converti a iudisme en la sentenio 8) ia migra a ueste a Europa este (oji Ucraina, Polsca, Bielarus, Lietuva, Magiar e Deutxland) en la sentenios 12 e 13 cuando la Impero Hazar ia cade.

A fini de la capitol ultima de la libro, Koestler resoma sua contenida e sua intende como segue: "En la parte un de esta libro me ia atenta trasa la istoria de la Impero Hazar fundinte en la fontes esistente nonsufisinte. En la parte du, capitoles 5 a 7, me ia compila la evidentia istorial cual indica ce la enormia de la iudis este (e de asi de la iudis mundal) es de orijina hazar-turcica, en loca de semita. En la capitol ultima me ia atenta mostra ce la evidentias de antropolojia uni a acel de istoria per refusa la crede popular ce la raza iudi desende de un tribu biblial".

Reseta[edita | edita la fonte]

En La inventa de la popla iudi, Shlomo Sand, istoriste de sinema, istoria inteletosa franses e nasionalisme de la Universia de Tel Aviv, scrive "en cuando la hazares asusta la istoristes israeli, nun de los ia scrive un sola paje sur la sujeto, La tribu des-tre par Koestler ia irita e provoca respondes coler. La lejores ivri no ia ave asede a la libro per multe anios, aprendente sur el tra denunsias venenosa". Evan Golstein, scrivente en The Wall Street Journal, Chronicle of Higher Education, afirma: "Sand sujesta ce aceles ce ataca la libro par Koestler lo fa no car lo manca merita, ma car la criticores ia es coarde [...]. Nun vole vade regardante su petras cuando scorpiones venenosa ta es espetante furtiva su los, esperante per ataca la autoimaje de la etnico esistente e sua aspiras teritorial".