La cuatrodes dias de Musa Dagh

De Vicipedia
La cuatrodes dias de Musa Dagh
Die vierzig Tage des Musa Dagh
Autor: Franz Wefel
Pais: Deutxland
Lingua: Deutx

La cuatrodes dias de Musa Dagh (deutx: Die vierzig Tage des Musa Dagh) es un novela de 1933 par la scrivor Franz Wefel fundida sur avenis real cual ia aveni en 1915, en la anio du de la Gera Mundal Prima en la comensa de la jenoside haieren.

La novela foca en la autodefende par un comunia peti de haieren vivente prosima a Musa Dagh, un montania en la Provinse Hatay en la Impero Osmanian (oji Turcia sude), como ance en avenis en Istanbul e en capitales de provinse, do la governa de la Turces Joven ia dirije la deportas, campas de consentra e masacras de la sitadanes haieren de la impero. Esta politica, como ance la culpables de el, ia es controversa e disputada de 1915. Par causa de esta o cisa an con el, la estende de la Jenoside Haieren ia es poca conoseda asta la novela par Werfel, cual ia implica rexerca volumosa e es jeneral asetada como fundida sur avenis istorial.

La novela ia es orijinal publicida en deutx en novembre 1933. El ia ateni un grande susede internasional e ia es atribuida per mostra a la mundo la evidentia sur la persegue e la jenoside aplicada contra la nasion haieren en la Gera Mundal Prima.