Johann Gottlieb Fichte
Johann Gottlieb Fichte (deutx: [ˈjoːhan ˈɡɔtliːp ˈfɪçtə]; 19 maio 1762 – 27 janero 1814), ia es un filosofiste deutx ci ia deveni un fundor de la move filosofial conoseda como idealisme deutx, cual ia developa de la scrives teorial e etical de Immanuel Kant. Resente, filosofistes ia comensa valua Fichte como un filosofiste importante, par causa de sua intuis en la natur de autoconsensia. Fichte ia es ance la inventor de la idea de tese-antitese-sintese, un idea comun atribuida a Hegel. Como Descartes e Kant ante el, Fichte ia es motivada par la problem de sujetivia e consensia. El ia scrive ance obras de filosofia political, e ave la reputa de es un de la padres de nasionalisme deutx.