Immanuel Kant

De Vicipedia
Jump to navigation Jump to search
Immanuel Kant
Kant gemaelde 3.jpg

Informa personal

Nase: 22 april 1724, Königsberg
Mori: 12 febrero 1804, Königsberg
Pais: Deutxland

Otra informas

Profesa: Filosofiste

Immanuel Kant (* 22 april 1724 en Königsberg/Deutxland/Prusia Este; † 12 febrero 1804 en Königsberg) ia es un de la filosofistes la plu importante de la tempo nova. La obra "Critica de la razona pura" ia constitui la comensa de la filosofia moderna.

Sua declara xef es ce nos no pote conose la "cosa mesma", ma sola sua apare, la "cosa per nos". Nos esperia la cosas de la mundo esterna sola par nosa sensas, ma la mundo esterna es un produida de nosa imajina sujetal. Spasio e tempo es la dependes de la esiste de la cosas. Nos no pote imajina la cosas en modo autonom de spasio e tempo par causa de la limita de nosa mente. Nos junta esta ideas como formas pura imajinal a nosa sensas. Nos no pote sabe esce spasio e tempo esiste como otra cosas, car la conose es sujetal a cada tempo.

La ideas deveni spontan en la mente par la consiensa transendente. Esta consiensa es la fonte de tota categorias de la mente, cual es juntada a cualia, cuantia, relata e modo. Umanas no pote deside razonal esce dio e spirito esiste.

Ma nos no pote esije un condui etical (la razona pratical) sin alga nesesas:

  • La vole libre, car un leje es sin sensa, si nos no pote deside libre.
  • La nonmoria de la spirito, car nosa prosimi a la leje etical debe ave valua pos la mori.
  • La esiste de dio, car sola dio pote vinse la oposa inter natur e etica.

Lias esterna[edita | edita la fonte]