Heinrich Böll

De Vicipedia
Heinrich Böll

Informa personal

Nase: 21 desembre 1917 en Cologne, Impero Deutx
Mori: 16 julio 1985 en Lagenbroich, Deutxland Ueste
Pais: Deutxland

Otra informas

Profesa: Noveliste

Heinrich Boll (1917–1985) ia es un noveliste deutx e un figur major en leteratur deutx publicida pos Gera Mundal II (1939-1945). Sua obras de imajina es esploras sever, ma compatiante, de Deutxland moderna, depintante la asurdia de gera e la desumani de la individua.

Boll ia nase en Cologne. Pos gradua de scola alta en 1937, el ia es clamada per la militar, prima servinte en corpo de labora deutx e plu tarda en la armada. El ia es librida de un campo de prison geral de la SUA en 1947. El ia vende naras diversa e ia pote dedica sua tempo intera a scrive novelas, teatrales, naretas e articles.

Sua novelas inclui La tren ia es puntual (deutx: Der Zug war pünktlich) (1949); Biliardo a dui pos nove (Billiard um halb Zehn) (1959); Opinas de un paliaso (Ansichten eines Clowns) (1963); La onora perdeda de Katharina Blum (1974) (Die verlorene Ehre der Katharina Blum) ; La rede de securia (Fürsorgliche Belagerung) (1979); La lega (Das Vermächtnis) (1982).

El ia reseta la premio Nobel en 1972 per sua contribuis a leteratur, "per la perspetiva larga" e "capasia sensante" de sua scrives e sua novela de la vive deutx en la Gera Mundal Prima (1914–1918) asta la desenio de 1970 Imaje grupal con dama (Gruppenbild mit Dame) (1971). El ia reseta un aclama spesial de la comite Nobel.