Golfo Mexican

De Vicipedia
Un mapa de la Golfo Mexican

La Golfo Mexican es un basin maral e un estende de la Mar Atlantica, per la plu parte ensircada par la continente de America Norde. A la norde-este, norde, e norde-ueste, lo es bordida par la Costa de Golfo de la SUA, a la sude-ueste e sude par Mexico, e a la sude-este par Cuba.

La Golfo Mexican ia es formida sirca 300 milion anios ante aora, la resulta de tetonica. La basin es un oval ru e sirca 1,500 km larga e ave un funda de roca deponeda e depones resente. Lo es juntada a la Mar Atlantica par la Streta Florida entre la SUA e Cuba, e con la Mar Caribe par la Streta Yucatan entre Mexico e Cuba. Con la junta magra con la Atlantica, la Golfo ave mareas multe peti. La grandia de la Golfa es sirca 1.6 milion km2. Cuasi dui de la golfo es acuas basa de la plano continental. Lo conteni sirca 2,500 cuadrilion litres de acua. La Golfo de Mexico es un de la fontes de petrolio la plu grande en la mundo.