Flandre

De Vicipedia

Flandre (Nederlandes: Vlaanderen [ˈvlaːndərə(n)], Franses: Flandre) refere normal a la parte de Beljia norde en cual la popla parla nederlandes. La capital ofisial es Bruxelles.

En istoria, la nom ia refere a la contia Flandre, cual ia estende de la streta Dover a la estuario de la rio Scheldt sirca la anio 1000. La contia ia inclui la provinses moderna Flandre Ueste e Flandre Este. En sentenios resente, lo ia deveni plu comun ce on usa la nom per tota la rejion de Beljia en cual nederlandes es parlada.

Divides manejal[edita | edita la fonte]

Provinses en Flandre.

Flandre es divideda en sinco provinses, de cual cada es formida par arrondissements cual conteni munisipas (intera 308).

Provinse Capital Arrondisments Abitores (2016) Area Densia
1 Antwerp (Antwerpen) Antwerp (Antwerpen) Antwerpen, Mechelen, Turnhout 1,824,136 2,867 km² 636 / km²
2 Limburg (Limburg) Hasselt Hasselt, Maaseik, Tongeren 863,425 2,414 km² 358 / km²
3 Flandre Este (Oost-Vlaanderen) Ghent (Gent) Aalst, Dendermonde, Eeklo, Gent, Oudenaarde, Sint-Niklaas 1,486,722 2,991 km² 497 / km²
4 Brabante Flames (Vlaams-Brabant) Leuven Halle-Vilvoorde, Leuven 1,121,693 2,106 km² 533 / km²
5 Flandre Ueste (West-Vlaanderen) Bruges (Brugge) Brugge, Diksmuide, Ieper, Kortrijk, Oostende, Roeselare, Tielt, Veurne 1,181,828 3,125 km² 378 / km²

Cultur[edita | edita la fonte]

Lingua[edita | edita la fonte]

Flandre conteni 57,9% de la abitores de Beljia. En esta rejion on parla nederlandes (ance nomida flames), conoseda e usada par asta 70% de la popla beljes.

Depinta[edita | edita la fonte]

La jenios grande de depinta Van Eyck, Brueghel, Rubens e Van Dyck ia nase e labora en Flandre. La scola de depinta flames ia es internasional multe famosa.