Ezidisme

De Vicipedia
Jump to navigation Jump to search
La simbol de Melek Taus - un pavon - en un santeria ezidi
Bandera ezidi
La templo de la 40 omes, a la culmina la plu alta de la Montes Sinjar

en Irac norde]]

La batisme de un enfante ezidi
La anio nova festa de la ezidis
La templo la plu grande de ezidisme, en Armenia

Ezidisme o Xarfadom (curdi: شه‌رفه‌دین) es un relijio monoteiste segueda par la Ezidis, fundida sur la crede en un Dio, comun nomida Xwede, ci ia creada la mundo e ia encarga lo a la sete esentes santa, cual los clama anjeles. La anjele suprapasante entre los es Melek Taus, ci es la xef de la anjeles e ci ave la autoria supra la mundo.

Melek Taus es la xef de la anjeles. La ezidis nome se mesma la Milete Tawuse Melek - la nasion e Melek Taus.

Melek Taus ia refusa inclina ante la umana prima, cuando Dio ia comanda ce la sete anjeles per fa tal. La comanda ia es vera un esamina, intende a determina ci de esta anjeles ia es la plu fidel a Dio par no proni se a alga otra ca sua creator.

Esta crede ia es liada par algas a la revela musli sur Iblis, ci ia refusa ance per prona se a Adam, cuando Dio ia comanda lo. Car esta similia a la tradision sufi de iblis, alga persones de la relijios monoteistic de la rejion identifia la Anjel de la pavon con sua propre mal spirito Satan, cual ia causa sentenios de persegue de la Ezidis como "adorores de satan". Esta ia continua en Irac moderna.

Ezidis crede ce Tawuse Melek no es un fonte de malia o un anjel cadeda, ma la xef de la arcanjeles. La Ezidis de Curdistan ia es clamada multe nomes mal, la plu malfamosa "adorores de la diablo". Esta nom es no sola ofendente a la Ezidis mesma, ma ance simple noncoreta. Ezidis trova la asosia de Melek Taus e "Shaitan" ofendente e no usa la nom "Shaitan".

Seguente la cosmolojia ezidi, Dio ia crea la mundo de un perla, la Dur, cual ia es a ante en un state ante crea nomida Enzel (la eternia ante crea). Esta credes es plu simil a los de zoroastrisme ca la relijios de padre Abraham (pd idisme, cristiania, e islam).

Ezidis crede ance en la reincarne de spiritos "min". La puri de la spirito pote aveni via reincarne en la grupo, ma lo pote sesa par es esclui de la comunia de ezidis, cual es la resulta la plu mal car reveni a la comunia no es posible.

La sete anjeles es creda par dio de sua propre lus (Nur). En esta modo, los pote es videda como ave un parte de la Dio en se. Un otra parola per esta es Sur o Sirr ("misteria"). Esta esense ave sua propre personalia e vole, simil a la idea de la spirito santa en cristiania. La sete anjeles es a veses refereda com la sete misterias. la anjeles es nomida Cibrayîl, Ezrayîl, Mîkayîl, Şifqayîl, Derdayîl, Ezafîl and Ezazîl. Melek Taus es identifiada con un de estas.