Enea

De Vicipedia
(Redirijeda de Eneas)
Jump to navigation Jump to search
Enea
Aeneas' Flight from Troy by Federico Barocci.jpg

Informa personal

Nase: Monte Ida
Pais: Troia

Otra informas

Enea (elinica antica: Αἰνείας, latina Aeneas) es un eroe troian, fio de Ancise e Venus. Sua padre ia es la cusin de Priamo de Troia (ambos esente netos de Ilo, fundor de Troia), fante Enea un cusin du de la fios de Priamo (como Hector e Paris). Es un carater de la mitolojia elinica antica e apare en la Iliada de Homero. El ance apare en la Eneida de Vergilio, do es un asendente de Romulo e Remo. El ia deveni la prima vera eroe de Roma.

Nom[edita | edita la fonte]

Enea es la nom en elefen per la spele latina Aeneas, cual veni de la elinica Αἰνείας (Aineías). En la imno homeral a Afrodita, Enea es presentada con Afrodita nominte el Αἰνείας (Aineías) per la αὶνóν ἄχος ("tristia xocante") cual el ia causa a la dea, do Aineías veni de la ajetivo αὶνóν (ainon, "xocante"). Lo es etimolojia popular per la nom, esplotada per Homero en la Iliada. A pos en la eda medieval alga autores ia crede ce, car la Eneida ia es scriveda per un filosofiste, lo ta debe es lejeda de forma filosofial. Tal, en la "ordina natural", la sinifia de la nom de Enea combina la elinica ennos ("abitor") e demas ("corpo"), cual deveni ennaios, sinifiante "abitor en la interna" pd, un deo abitante un corpo mortal). An tal, no esiste sertia sur la orijina de sua nom.

Mito elinica[edita | edita la fonte]

Imno homeral a Afrodita[edita | edita la fonte]

Depinto Venus e Ancise, per William Blake Richmond (1889 o 90)

La istoria de la nase de Enea es racontada en la "Imno a Afrodita", un de la plu grande imnos homeral. Afrodita ia fa ce otra deos cade en ama con femes mortal. Com venja, Zeus ia pone desira en sua cordia per Ancise, cual es atendente sua boves entre la colinas de la Monte Ida. Cuando Afrodita ia vide el, enama de el. El decora se como per un mariaja entre la deos e apare ante el. Ancise es vinseda per sua belia, credente ce es un de, ma Afrodita identifia se como un prinsesa frigian. Pos los fa la ama, Afrodita mostra sua vera identia e Ancise teme ce ta pote susede a el como resulta de sua lia. Afrodita serti el ce va es protejeda, e dise el ce va dona el un fio ci va nomi Enea. An tal, el averti Ancise ce el no debe dise ce el fa la seso con la dea. Cuando Enea ia nase, Afrodita porta el a la nimfas de la Monte Ida. El comanda los eleva la enfanta asta ce el va es sinco anios, e pos el ia porta la enfante a Ancise. Otra fontes dise ce Ancise vanta de fa la ama con la dea e Zeus ia lansa un tona a sua pede. A pos, el ia coxea e per esta, Enea debe porta el estra Troia.

Iliada de Homero[edita | edita la fonte]

Article xef: Iliada
Enea portante Ancise, s 520–510 aec, Louvre (F 118)

Enea es un carater minor en la Iliada, do es salvada a du veces de es matada per la deos, mas es un geror corajosa. Frenida de la batalia, insultida per Priamo car an con sua atas corajosa el no es donida onora, el ia gida un ataca contra Idomeneo per recovre la corpo de sua frate par sposi urjeda par Deifobo. El es la gidor de la aliadas dardanian de Troia como ance la cusin du e teninte xef de Hector, fio de la re troian Priamo. Ma madre de Enea, Afrodita, frecuente aida el en la campo de batalia, e el es favorida per Apolo. Afrodita e Apolo salva Enea de la combate con Diomedes de Argos, ci cuasi mata el, e porta el a Pergamo per sani. An Poseidon, aida Enea cuando cade su la ataca de Acile, notante ce Enea, an si es parte de la ramo minor de la famila reial, es detinada a deveni re de la popla troian.

Otra fontes[edita | edita la fonte]

La mitografo roman Gaio Julio Higino (64 aec - 17 ec) en sua Fabulas dise ce Enea ia mata 28 enemis en la gera de Troia. Enea ance apare en la racontas troain atribuida a Dares Frigian e Dicto de Creta.

Mito roman e leteratur[edita | edita la fonte]

Enea e Ancise

La istoria de Enea ia es continuada per la autores roman. Un fonte influente ia es la raconta de la fundi de Roma en la Orijinas de Cato la Major. La lejenda de Enea ia es conoseda en la tempo de Vergilio e ia apare en obras istorial variosa, incluinte la "Anticias Roman" de la istoriste Dionisio de Halicarnaso (fidante de Marco Terentio Varro), Ad Urbe Condita de Livio e Gnaeo Pompeio Trogo (oji sola en un personi per Justino).

Eneida de Vergilio[edita | edita la fonte]

Article xef: Eneida
Enea defeta Turno, per Luca Giordano, 1634-1705. La jenio de Enea es mostrada subinte, mirante la lus de la futuro, entretempo la de Turno es basante, velida en oscur.
Venus como xasora apare a Enea, per Pietro da Cortona.

La Eneida esplica ce Enea es un de la poca troianes ci ia no mori o es sclavida pos la cade de Troia. Enea, pos la comanda de la deos de fuji, ia asembla un grupo, ci ia viaja a Italia e ia deveni la asendentes de la romanes. La grupo ia inclui Miseno, la padre de Enea, Ancise, sua amicos Acates, Sergesto e Acmon, la sanor Iapix, la timonor Palinuro, e sua fio Ascanio (ance conoseda como Iulo). El ia porta la Lares e la Penates, la statuas de la deos familial de Troia, e ia transplanta los en Italia.

Varia atentas de encontra un nova casa ia fali, un para ia aveni en Sisilia, do en Drapno, en la costa ueste de la isola, sua padre, Ancise, ia mori.

Enea raconta Dido sur la cade de Troia, per Pierre-Narcisse Guérin.

A pos un tempesta corta ma ferose cual Juno ia lansa contra la grupo, Enea e sua flotila ia atera en Cartago pos ses anios vagante. Enea ia ave un caso de ama con la rena de la site, Dido, ci ia proposa a la troianes abita sua pais e ce Enea e el ta reni la du poplas. Un mariaja ia es aranjada entre Dido e Enea provocada par Juno, ci ia sabe ce sua site favoreda ta es defetada per la desendentes de la troianes. La madre de Enea, Venus, ia persepi ce la grupo ia nesesa un reposa tempora per reforti se mesma de la viaja cual ta aveni. An tal, la deo mesajor Mercurio ia es enviada par Iupiter e Venus per fa recorda Enea sua viaja e proposa, obligante el a abandona sacreta. Cuando Dido ia descovre esta, ia maldise ce Cartago sempre ta odia Roma, un enemia cual ta culmina en la Geras Punica. A pos el ia suisida con la spada cual el dona Enea la prima ves ce los ia encontra.

Pos reposa en Cartago, la troianes ia reveni a Sisilia do Enea ia organiza juas funeral per onora sua padre, ci a mori un anio ante. La grupo ia viaja e ariva a la costa ueste de Italia. Enea ia desende a la sumundo do ia encontra Dido e sua padre, ci ia mostra a el la futuro de sua desendentes e la istoria de Roma.

Latino, la re de la latinas, ia bonveni la armada de Enea e lasa los reorganiza sua vives en Latio. Sua fia Lavinia ia es prometeda a Turno, re de la rutulos, ma Latino ia reseta un preside ce Lavinia ta es casada con un de otra pais pd Enea. Latino ia segue la predise e Turno donce ia declara la gera a Enea corajida per Juno, cual ia alia a la Re Mezentio de le etruscas e la rea Amata de la latinas. La armada de Enea ia gania, Turno ia mori e la raconta de Vergilio fini subita.

Otra fontes[edita | edita la fonte]

La resta de la biografia de Enea proveni de otra fontes vea, incluinte Livio e la Mutas de Ovidio. Seguente Livio, Enea ia vinse ma Latino ia mori en la gera. Enea ia fundi la site de Levinio, nomida pos sua sposa. A pos el ia bonveni la sore de Dido, Anna Perenna, ci ia suisida cuando conose la jelosia de Lavinia. Pos la mori de Enea, Venus ia demanda Jupiter fa sua fio nonmortal. Jupiter ia acorda. La rio Numico ia limpi la partes mortal de Enea e Venus ia unje el con netar, fante de el un deo. Enea ia es reconoseda como la deo Jupiter Indiges.

Fontes[edita | edita la fonte]

Bibliografia[edita | edita la fonte]

  • Anderson, W. S., and L. N. Quartarone (2002) Approaches to Teaching Vergil's Aeneid. New York: Modern Language Association of America.
  • Farrell, J., and Michael C. J. Putnam, eds. (2010) A Companion to Vergil's Aeneid and Its Tradition. Blackwell Companions to the Ancient World. Literature and Culture, Chichester/Malden, MA: Wiley-Blackwell
  • Fletcher, K. F. B. (2014) Finding Italy: Travel, Nation and Colonization in Vergil's 'Aeneid'. Ann Arbor: University of Michigan Press.