Emergo
Emergo es un jua astrata de stratejia, lodada per la profondia de sua stratejia e taticas. Lo ia es creada par Christian Freeling e Ed van Zon en 1986, e parteni a la categoria juas de "pila" o dama con colonas, en la modo de Baxni e Lasca. La nom es de la slogan de la provinse nederlandes de Zeeland: Luctor et emergo, "me luta e emerji". La gol de la jua es la catura de tota pesos de la oposor, simil a en dama. Unica per emergo e sua relatas es en la modo de catura: Un peso es ajuntada a la colona de la juor caturante, en loca de es estraeda. Pesos pote es recaturada de la oposor plu tarda en la jua.
Regulas
[edita | edita la fonte]Emergo ave du juores, negra e blanca. Un "colona" es definida como un colona de un o plu pesos. Colonas pote es composada de sola pesos blanca, sola pesos negra, un blanca con prisonidas negra, o negra con prisonidas blanca. La peso a la ala es nomida la "cap", e la pesos a su es nomida la prisonidas. La color de la cap determina la proprior de la colona.
Catura aveni par salta ultra la peso de la oposor, e fini sur la cuadro a pos, cual debe es vacuida ante la catura aveni. Cuando un peso es caturada, en loca de es estraeda de la jua, lo es poneda su la peso caturante como un prisonida. Tra la curso de la jua, esta resulta en un descrese en la cuantia de pesos en la jua, aora en la forma de colonas. Si un cap de la oposor es caturada, un prisonida es revelada, e lo deveni la cap nova e la color mostra la posesor. Catura pote aveni en cualce dirije estra un turna de 180º.
Emergo ave du fases en la jua: La prima es la fase de entra e la fase du es la fase de move.
La jua comensa con cada juor teni sua des-du pesos en sua mano. Blanca jua prima e entra un peso sur cualce cuadro oscur e vacuida. Aora, la turnos alterna asta tota pesos ia es poneda. Si un catura es posible, la juor debe fa la move cual catura la cuantia la plu grande posible, en loca e entra un peso. El no pote entra plu ca un peso per turno, estra si sua oposor ave ja tota sua pesos sur la table e el pote entre tota sua pesos restante. Esta aveni sola como la resulta de un catura obligada.
On ave sola du restrinjes en la fase de entra. Blanca no pote entra un peso en la cuadro sentral en sua turno prima, e no juor pote entra un peso cual forsa sua oposor a catura lo, estra si la juor ia forsa ja a catura en sua turno. Ma pone un peso per catura un peso de la oposor con sua propre es legal.
Cuando tota pesos es sur la table, un juor pote move un de sua pesos un cuadro diagonal en cualce dirije. Catura cual resulta en la cuantia la plu grande de pesos es obligada. Pos un catura, sua turno fini e el no pote move un peso asta sua turno seguente.
La jua fini cuando un juor no pote move legal o tota sua pesos es caturada.