Eda glasial

De Vicipedia
La estende de la eda glasial la plu resente

Un eda glasial es un periodo longa de un redui de la temperatur de la surfas e atmosfera de la tera, cual resulta en la avansa de jela en la areas polal, montanial, e continental. La fases de clima fria en nomida edas glasial, e la periodos calda entre los es nomida edas interglasial.

Un eda glasial implica la esiste de campos de jela en la emisfera norde e sude. Nos es aora en la period interglasial nomida la holosene. La cuantia de gases cual trapa caldia cual nos ia emete a la mares e atmosfera de la tera va preveni la eda glasial seguente, cual ta comensa a otra veses en sirca 50,000 anios, e probable otra sicles de glasi ance.

La estende masima resente (comun nomida la LGM, de engles "last glacial maximum") inclui telones de jela cual ia covre un parte grande de America Norde, Europa norde, e Asia. Los ia afeta forte la clima de tera par causante seci, deserti, e un cade grande de niveles de mar. La campas ia ateni sua covre masima sirca 26.5 mil anios ante aora. La desglasi ia comensa en la emisfera norde sirca 20 mil anios a ante, e en Antartica sirca 14.5 mil anios a ante, cual acorda con evidente per un leva de la nivel de mar a sirca 14.5 mil anios a ante.

En la arceolojia de Europa paleolitica, la LGM estende tra la cultures gravetian, solutrean, e magdalenian.

La LGM ia es segueda par la periodo glasial tarde de sirca 13 mil a 10 mil anios a ante. Lo es definada par la comensa de la period calda moderne, en cual la temperatures en la emisfera norde ia leva multe, causante un prosede de deglasi aselerada. A esta tempo, poplas umana, forsada a ante a areas de refujia, causa la repopli gradal de Eurasia e ultima la popli de America Norde de Beringia per la ves prima.