Doris Lessing

De Vicipedia
Jump to navigation Jump to search
Doris Lessing, 2006

Doris May Lessing (naseda Tayler; 22 otobre 1919 – 17 novembre 2013) ia es un noveliste, poesiste, autor teatral, autor de opera, biografiste, e autor de naras corte. Con jenitores brites, e Lessing ia es naseda en Iran, do el ia abita asta 1925. Sua familia ia moveda alora a Zimbabue, do el resta asta ce el move en 1949 a London. Sua noveles inclui The Grass Is Singing ("La erba canta", 1950), un serie de sinco noveles, de cual la colie es nomida Children of Violence ("La enfantes de violentia, 1952–69), The Golden Notebook ("La jornal oro", 1962), e sinco novels, de cual la colie es nomida Canopus in Argos: Archives ("Canopus en Argos: Arcivos", 1979–1983).

En 2001, Lessing ia reseta la Premio David Cohen per sua atenis en leteratur brites. Lessing ia es presentada la Premio Nobel en leteratur en 2007. En la presenta, la Academia Svensce ia descrive el como "acel epiciste de la esperia fema, ci con sceticisme, foco, e potia previdente ia carga un sivilia divideda su esamina." Lessing ia es la fem 11 e la person la plu vea cual ia reseta la Premio Nobel en leteratur. En 2008, La Times gradi el numero ses en un lista de la "50 autores brites la plu grande pos 1945".