Dinastia Ming
.svg)
La dinastia Ming ia es la dinastia renante de Xina de 1368 a 1644 seguente la colasa de la dinastia Yuan de la mongoles. La dinastia Ming ia es la dinastia imperal final de Xina renada par la popla han (la popla major de Xina). An si la capital xef de Beijing ia cade en 1644 par un rebela conduida par Li Zicheng (ci ia fundi la dinastia Shun, cual ia es rapida reponeda par la dinastia Qing de la mandjus, multe renas cual resta fidosa a la trono de Ming - nomida la Ming sude - ia survive asta 1662.
La imperor Hongwu (rena 1368-1398) ia atenta crea un sosia de comunias campanian autosufisinte ordinada par un sistem rijida e stable cual ta garantia e suporta un clase permanente de soldatos per sua dinastia: la armada stante de la impero ia esede un milion soldatos, e la portones de la marina en Nanjing ia es la plu grande en la mundo. El ia ance prende plu controla par rompe la potia de la eunucos de la corte e autorias nonrelatada, creante feudos per sua multe fios tra Xina e atentante gida esta prinses par usa la Huang-Ming Zuxun, un colie de instruis dinastial publicida. Esta ia fali cuando sua eritor adolesente, la imperor Jianwen, ia atenta redui la potia de sua tio, cual resulta en la campania de Jingnan, un rebela cual ia pone la prinse de Yan sur la trono como la imperor Yongle en 1402. El ia institui Yan como un capital du e renomi lo Beijing, e ia construi la Site Proibida, restora la Canal Grande e la superioria de la esaminas imperal en la asinias ofisial. El ia recompensa sua suportores entre la eunucos e ia emplea los como un ecuilibra contra la eruditas-burocratas confuziste. Un, Zheng He, ia gida sete viajas enorme per esplora la Mar Indian tan distante como Arabia e la costas este de Africa.
La leva de imperores nova e partitos nova ia diminui tal estravagantes; la catura de la imperor Zhengtong en la Crise Tumu de 1449 ia para los completa. La marina imperal ia cade a malstate en cuando laborores forsada ia construi la enclui de Liaodong e lia e forti la Mur Grande de Xina a sua forma moderna. Contas de abitores grande de la impero intera ia es conduida cada du anios, ma la desira per evita labora e impostas e la difisilia de conserva e revide la arcivos enorme a Nanjing ia preveni contas esata. Estimas per la cuantia de popla de la dinastia Ming tarda varia de 160 a 200 milion, ma la revenus nesesada ia es traeda de cuantias plu e plu peti de cultivores cuando plu ia desapare de la arcivos ofisial o "donada" sua revenus a eunucos o templos libre de impostas. Leges Haijin intendeda per proteje la costas de piratas "japanes" ia deveni contrabandores e piratas se mesma.
Per la sentenio 16, la estende de comersia european - an si restrinjeda a isolas prosima a Guangzhou, como Macau - ia sperde la "intercambia columbian" de cultivas, plantas, e animales a Xina, introduinte txilis a la cosina de Sichuan, e mais e patatas multe produosa, cual ia diminui famiones e coraji crese de la popla. La crese de comersia portuges, espaniol, e nederlandes ia crea demandas nova per produidas xines e ia produi un enflue de arjento japanes e american. Esta abunda de arjento ia reforti la economia de la impero, de ci la mone paper ia sufri infla repetente e no ia es fidada plu. Cuando confuzistes tradisional ia oposa tan rol importante per comersia e la persones nova rica lo ia crea, la eterodoxes introduida par Wang Yangming ia permete un disposa plu comprometente. La reformis de Zhang Juzheng, cual es susedente a comensa, ia deveni ruinada cuando un lenti en cultiva produida par la eda de jela peti ia junta con cambias en politicas japanes e espaniol cual corti rapida la furni de arjento aora nesesada afin cultivores pote paia sua impostas. Combinada con la fali de cultivas, deluvias, e epidemicas, la dinastia ia colasa ante la xef de rebelores, Li Zicheng, ci ia es vinseda par la armadas de Oto Banderas de la Mandjus, ci ia funda la dinastia Qing.