Diaframa (anatomia)

De Vicipedia
Jump to navigation Jump to search
La diaframa, videda de su lo; nota la foras per la aorta, la vena cava, e la esofago

La diaframa, o plu esata, la diframa toraxal, de la elinica antica διάφραγμα ("mureta"), es un telon de musculo sceletal interna en umanas e otra mamales, cual estende tra la funda de la caveta toraxal. La diaframa separa la caveta, cual conteni la cor e pulmones, de la caveta adominal. Lo ave un funsion importante en respira: cuando la diaframa contrata, la volum de la caveta toraxal crese, creante un presa negativa ala, cual tira aira en la pulmones.

La terma diaframa en anatomia, creada par la traduor Gerardo de Cremona (1114 – 1187) pote refere a otra strutures plata, como la diaframa urojential o la diaframa pelvisal, ma usada solitar, lo jeneral refere a la diaframa toraxal. En umanas, la diaframa es alga nonsimetrial: sua dui destra es plu alta ca la dui sinistra, car la figato, un organo grande, es su la dui destra de la diaframa. Un otra ipotese es ce la diaframa es plu basa a la sinistra car lo ave la cor.

Otra mamales ave diaframas, o otra vertebratos como amfibios e retiles ave strutures simil. Ma detalias importante pote varia, como avente la pulmones en la caveta adominal.