D. Carleton Gajdusek

Daniel Carleton Gajdusek (1923–2008) ia es un virolojiste american ci ia es un abrivia en reconose viruses lenta cual produi sintomes pos multe anios e causa la dejenera de nervos. La comprende de ativia de esta viruses ia aida en developa remedias per maladias de dejenera nerval como la maladia de Alzheimer.

Gajdusek ia nase en Yonkers, New York. El ia reseta un diploma de M.D. de Universia de Harvard en 1946. En 1958 el ia junta se a la Fundas de Sania Nasional (NIH) en Bethesda, Maryland.

En la desenio 1950 Gajdusek ia mostra ce un maladia progresante e matante de dejenera nerval entre la nativas de Guinea Nova es causada par un virus lenta infetante los ci contata la malada. A la mesma tempo, viruses lenta no ia es conoseda en umanas.

Gajdusek ance ia demostra ce la maladia de Creutzfeldt-Jakob, un otra malordina de dejenera nerval, es simil causada par un virus lenta. Per sua labora con viruses lenta, Gajdusek ia gania la premio Nobel en 1976 en fisiolojia o medica, cual el ia comparti con la virolojiste american Baruch Samuel Blumberg.